शिक्षा

पोखरा, कास्कीको अन्नपूर्ण गाउँपालिका–२, ढिकुरपोखरीस्थित श्री माछापुच्छ्रे माध्यमिक विद्यालय तथा क्याम्पसमा आयोजित एकदिने निःशुल्क आँखा शिविरबाट करिब ५ सय जना लाभान्वित भएका छन्। पूर्व विद्यार्थी मञ्च, माछापुच्छ्रे माध्यमिक विद्यालय तथा क्याम्पसको आयोजनामा सम्पन्न शिविरमा विद्यार्थी, शिक्षक, अभिभावक तथा स्थानीय समुदायका नागरिकले निःशुल्क आँखा परीक्षण तथा उपचार सेवा लिएका हुन् । पूर्व विद्यार्थी मञ्चको आयोजना, अन्नपूर्ण गाउँपालिकाको आर्थिक सहयोग, हिमालयन आँखा अस्पताल घारीपाटनको प्राविधिक सहयोग तथा माछापुच्छ्रे माध्यमिक विद्यालय तथा क्याम्पसको स्थानीय व्यवस्थापनमा शिविर सञ्चालन गरिएको हो । शिविरमा आँखा परीक्षण… पुरा पढौ

पोखरा, पोखरा महानगरपालिका–२८ स्थित श्री भुर्तेल आधारभूत विद्यालय, स्याङखुदी लाई करिब १ लाख ७० हजार रुपैयाँ बराबरका कम्प्युटर, प्रिन्टर तथा अन्य शैक्षिक सामग्री हस्तान्तरण गरिएको छ । विद्यालय परिसरमा आयोजित कार्यक्रममा पोखरा महानगरपालिका–२८ का वडा अध्यक्ष कृष्ण लामिछाने को उपस्थितिमा विद्यालयलाई आवश्यक शैक्षिक तथा प्रविधिमैत्री सामग्री हस्तान्तरण गरिएको हो । कार्यक्रम विद्यालय व्यवस्थापन समितिकी कार्यवाहक अध्यक्ष सबिता तिवारी को अध्यक्षतामा सम्पन्न भएको थियो । विद्यालयले प्राप्त सामग्रीले शिक्षण–सिकाइ प्रक्रियालाई थप प्रभावकारी, आधुनिक र प्रविधिमैत्री बनाउन महत्वपूर्ण भूमिका खेल्ने विश्वास व्यक्त… पुरा पढौ

पोखरा, साउन २१, स्टेप वाई स्टेप माध्यमिक विद्यालय, मासबार, पोखरामा कक्षा ९ र १० मा अध्ययनरत विद्यार्थीहरूबीच अन्तरसदनात्मक नेपाली भाषा कौशल प्रतियोगिता सम्पन्न भएको छ। विद्यार्थीहरूको भाषिक क्षमता अभिवृद्धि गर्ने उद्देश्यले आयोजित उक्त प्रतियोगितामा विद्यालयका चारवटा सदनका चार टिमबाट १६ जना विद्यार्थीहरूको सहभागिता रहेको थियो। कार्यक्रमलाई सम्बोधन गर्दै विद्यालयका संस्थापक निर्देशक रमाकान्त बरालले यस्ता अतिरिक्त क्रियाकलापले विद्यार्थीहरूको प्रतिभा प्रस्फुटनका साथै आत्मविश्वास वृद्धि गर्न महत्त्वपूर्ण भूमिका खेल्ने बताउनुभयो। उहाँले यस्ता प्रतियोगितामा सक्रिय सहभागिता जनाउने विद्यार्थीहरूलाई भविष्यमा अझ उत्कृष्ट प्रदर्शन गर्न प्रेरणा… पुरा पढौ

पोखरा, संसदीय पत्रकार मञ्च गण्डकीले युवापुस्तालाई संघीय शासन प्रणाली र प्रदेशसभाको भूमिका तथा अभ्यासबारे जानकारी गराउने उद्देश्यले पोखरास्थित जनप्रिय बहुमुखी क्याम्पसका विद्यार्थीका लागि अभिमुखीकरण कार्यक्रम आयोजना गरेको छ। मञ्चको ‘युवा लक्षित संसदीय पहुँच कार्यक्रम’ अन्तर्गत मंगलबार आयोजित कार्यक्रममा क्याम्पसका विभिन्न तहमा अध्ययनरत १०८ जना विद्यार्थी सहभागी भएका थिए। कार्यक्रममा गण्डकी प्रदेशसभा सचिवालयका कानुनतर्फका उपसचिव आमोद दाहालले नेपालको संघीय शासन व्यवस्था, प्रदेशको क्षेत्राधिकार तथा प्रदेशसभाको संरचनाबारे सहजीकरण गर्दै संघीयता नेपालका विविध समुदायलाई समेट्ने र शक्ति विकेन्द्रीकरणमार्फत नागरिकलाई शासनको पहुँचमा पुर्‍याउने प्रणाली… पुरा पढौ

दीननाथ बराल, पोखरा, १७ साउन, नेलम्बो नेपालले आर्थिक रूपमा विपन्न तथा जेहेन्दार विद्यार्थीहरूको शैक्षिक यात्रालाई सहज बनाउने उद्देश्यले छात्रवृत्ति तथा शैक्षिक सामग्री वितरण गरेको छ । संस्थाले विगतका बर्षदेखि जारी राखेको उक्त अभियान अन्र्तगत चालु आर्थिक बर्ष २०८३÷८४ का लागि कक्षा ११ का नयाँ बिद्यार्थी र कक्षा १२ का बिद्यार्थीहरुको नविकरण सहित ५६ जना बिद्यार्थीलाई छात्रबृत्ति वितरण गरिएको संस्थाका अध्यक्ष एकदेव देवकोटाले बताउनु भयो । कार्यक्रममा अन्नपूर्ण गाउँपालिका, माछापुच्छ्रे गाउँपालिका तथा पोखरा महानगरपालिकाका विभिन्न १५ वटा विद्यालय र क्याम्पसबाट छनोट… पुरा पढौ

पोखरा, साउन १८ , पोखराबाट स्किल ब्रिज एकेडेमीले आफ्नो सेवा सुरु गरेको छ । गुरुपूर्णिमाको अवसर पारेर सुरु गरिएको एकेडेमीले आफ्नो पहिलो सेवाका रूपमा शिक्षकहरूका लागि ३ दिनसम्म एआई र सूचना तथा सञ्चार प्रविधिसम्बन्धी निःशुल्क तालिम आइतवार सम्पन्न गरेको छ । साउन १५ गते शुक्रवारदेखि सुरु भएको तालिममा करिब १ हजार जना शिक्षकले निःशुल्क तालिम लिएका थिए । तालिम तथा एकेडेमीको उद्‌घाटन गर्दै शिक्षा तालिम केन्द्र, गण्डकी प्रदेशका प्रमुख प्रकाश देवकोटाले तीव्र गतिमा परिवर्तित समयमा भएको ज्ञानको विस्फोटनलाई व्यवस्थित गर्नका… पुरा पढौ

पोखरा, पोखराको गैह्रापाटनस्थित कुमुदिनी होम्स माध्यमिक विद्यालयले विगत १२ बर्षदेखि निरन्तर रुपमा ग्रामिण क्षेत्रका बिद्यालयलाई गरेको सहयोगलाई निरन्तरता दिदै उदाहरण प्रस्तुत गरेको छ। विद्यालयले कास्कीका दुई सरकारी विद्यालयका विद्यार्थीलाई करिब रु ३५ हजार बराबरका स्टेशनरी सामग्री तथा खाजा खर्चबापत जनही रु ३० हजारका दरले कुल रु ६० हजार नगद सहयोग उपलब्ध गराएको हो। सहयोग प्राप्त गर्ने विद्यालयमा माछापुच्छ्रे गाउँपालिका–२, खादरजुङस्थित बाराही आधारभूत विद्यालय र पोखरा महानगरपालिका–१९ स्थित धारा आधारभूत विद्यालय रहेका छन्। कुमुदिनी होम्सका संस्थापक अध्यक्ष अशोक पालिखेका अनुसार विद्यालयका… पुरा पढौ

पोखरा, साउन १६, पोखराको मासवारस्थित मदरल्याण्ड माविले नमूना युएन (संयुक्त राष्ट्र संघ) सभा आयोजना गरेको छ । विद्यालय तहका विद्यार्थी सहभागि मदरल्याण्ड नमूना युएन सभामा भाग लिन कास्की सहित विभिन्न आठवटा जिल्लाका विद्यार्थी पोखरा आएका छन् । विद्यालयले आयोजना गरेको यो आठौं नमूना सभा हो । विद्यालय तहका विद्यार्थी सहभागि भएको यो नमूना सभामा विभिन्न विषयमा दुईदिनसम्म बहस हुनेछ । मदरल्याण्ड माविको आयोजना र नेपाल–अमेरिका अलुम्नाई नेटवर्क (नुसान)को संयोजनमा भएको यो कार्यक्रममा कक्षा १२ सम्मका विद्यार्थी सहभागि छन् । उनीहरुले… पुरा पढौ

पोखरा, पोखरा महानगरपालिका वडा नं।४ मा अवस्थित यस क्षेत्रकै प्रतिष्ठित शैक्षिक संस्था कुमुदिनी होम्स माध्यमिक विद्यालयमा शुक्रवार वार्षिक कार्यतालिकाअनुसार अन्तरसदनात्मक नेपाली भाषा कौशल प्रतियोगिता सम्पन्न भएको छ। आधारभूत तह अन्तर्गतको कार्यक्रम आधारभूत तह इन्चार्ज सजनी माजु श्रेष्ठको अध्यक्षतामा सम्पन्न कार्यक्रममा लालीगुराँस सदनका आदित्य खत्री कक्षा ८ (ख), आयुषा लामा कक्षा ८ (क), आविष्कार लामिछाने कक्षा ६ (ख) र सिजन लम्साल कक्षा ७ (क) को समूह प्रथम भएका छन् । कुमारी सदनका श्रीयांश द्विवेदी कक्षा ८ (ख), चाहना आचार्य कक्षा ८… पुरा पढौ

पोखरा, १० साउन, पोखराको सिर्जना चोकस्थित अशोका कलेज अफ इन्जिनियरिङ एन्ड म्यानेजमेन्टले काठमाडौँ विश्वविद्यालय (केयू) बाट सम्बन्धन लिएर ब्याचलर अफ इन्फर्मेसन टेक्नोलोजी (बीआईटी) कार्यक्रम सञ्चालनमा ल्याएको छ । गण्डकी प्रदेशमै पहिलोपल्ट केयूको इन्जिनियरिङ संकायअन्तर्गत बीआईटी कार्यक्रम पोखरा भित्र्याउँदै कलेजले विद्यार्थीका लागि अध्ययनसँगै रोजगारीलाई जोड्ने ‘सिक्दै कमाउँदै’ मोडल सार्वजनिक गरेको छ । https://www.youtube.com/watch?v=wyTtnKjxGZ8 आइतबार पोखरामा आयोजित पत्रकार सम्मेलनमा कलेज सञ्चालक तथा केयूका प्रतिनिधिले कार्यक्रमबारे विस्तृत जानकारी गराएका हुन् । पहिलो शैक्षिक सत्रका लागि केयूले निर्धारण गरेको ३० जनाको सीमित कोटाका लागि… पुरा पढौ