पोखरा,
बुद्व विशाल बजार व्यापारिक एशोसिययसनले बाह्रौं पटक आयोजना गरेको रक्तदान कार्यक्रममा ५४ युनिट रगत संकलन भएको छ । कार्यक्रममा कास्कीका सहायक प्रमुख जिल्ला अधिकारी चित्राङगत बरालले पहिलो रक्तदाता बुद्व विशाल बजार व्यापारिक एशोसिययसनका सल्लाहकार माधब सिग्देललाई ब्लड ब्याग हस्तान्त्रण गरी कार्यक्रम उद्घघाटन गरेका थिए ।
कार्यक्रममा बोल्दै प्रमुख अतिथि सहायक प्रमुख जिल्ला अधिकारी बरालले बुद्व विशाल बजार व्यापारिक एशोसियसन व्यापारीहरूको संस्था भए पनि सामाजिक उतरदायित्व बहन गर्ले विभिन्न सामाजिक कार्यहरू गर्दै आएकोमा धन्यवाद दिनुभयो । संघ संस्थाहरू नेपाल सरकारको तथा संस्थाको आफ्नो विधान अन्तरगत चल्नुपर्ने बताउदै नेपालको कानुन भन्दा माथि कोहि पनि नहुने बताए । कार्यक्रममा बिशिस्ट अतिथि पोखरा महानगरपालिका २८ का वडा अध्यक्ष श्रीकृष्ण लामिछानेले पोखरा महानगरपालिकामा आफ्नो तर्फबाट एशोसियसनलाई के कस्तो सहयोग तथा सल्लाहको आवश्यकता पर्छ सहयोग गर्न आफू प्रतिवद्वता रहेको बताउदै पोखराको नै पुरानो मार्केट विशाल बजारको साख बचाई राख्न एशोसियसनलाई आग्रह गरे ।
कार्यक्रममा पोखरा उधोग वाणिज्य संघका महासचिव शोभा गौतमले सवैभन्दा ठुलो दान रक्तदान कार्यक्रम आयोजना गरेकोमा एशोसियसनलाई धन्यवाद दिदै आफुले व्यवसायीहरूको हक हितको लागि सधैव आवाज उठाउने गरेको बताउदै आगामी दिनमा पनि उठाउने बताईन् । रक्तदान कार्यक्रममा बोल्दै बुद्ध विशाल बजार ब्यापारिक एशोसियसनका मानार्थ सदस्य तथा सल्लाहकार केशव बहादुर खत्रीले रगत पैसा तिरेर पनि पाँईदैन, पसलमा किन्न पनि पाइँदैन, बेलैमा रगत नपाएमा मान्छेको जीवन जोखिममा पर्ने भएकोले सवैभन्दा ठूलो धान रक्तदान भएको बताउदै खत्रीले बुद्ध विशाल बजार ब्यापारिक एशोसियसनले सामाजिक उत्ररदायित्व बहन गर्दे बाह्रौं पटक रक्तदान कार्यक्रम आयोजना गरेको बताए ।
कार्यक्रममा नेपाल पत्रकार महासंघ कास्कीका अध्यक्ष माधव बराल ,कस्मेटिक व्यवसायी संघकी उपाध्यक्ष सरू बराल लगाएतले बोलेका थिए ।
बुद्ध विशाल बजार ब्यापारिक एशोसियसनका अध्यक्ष बुद्वि बहादुर कुंवरको अध्यक्षतामा भएको कार्यक्रममा एशोसियसनका उपाध्यक्ष तथा कार्यक्रम संयोजक मनोहरि पौडेलले स्वागत मन्तव्य राखेका थिए भने एशोसियसनका महासचिव थमनसिह गुरूङले कार्यक्रम सन्चालन गरेका थिए । कार्यक्रममा प्रादेशिक रक्त संचार केन्द्रको टोलिले बिशेष सयोग गरेको थियो ।
