दीननाथ बराल,
पोखरा २८, माघ,
जावलाखेल युथ क्लब खेलकुदको शहर पोखरामा जारी २५ औँ संस्करणको आहा रारा पोखरा गोल्ड कप फुटवल प्रतियोगिता २०८२ को क्वाटरफाइनलमा प्रवेश गरेको छ । पोखरा रंगशालामा आज (बुधबार) भएको खेलमा मच्छिन्द्र फुटबल क्लबलाई २–० गोल अन्तरले पराजित गर्दै जावलाखेलले क्वाटरफाइनलमा यात्रा पक्का गरेको हो ।
जावलाखेलको जितमा खेलको ५४ औं मिनेटमा निकोलस ओडेन ह्यामिन्टन र खेलको ६६ औं मिनेटमा बुबाकार सिसोखोले गोल गर्नु भएको हो । पहिलो हापमा दुबै तर्फ गोल हुन सकेन भने मच्छिन्द्र क्लवले पाएका केही अवसरलाई सदुपयोग गर्न नसक्दा पहिलो चरणको खेलबाटै बाहिरिनु पर्यो । आजको खेलमा जावलाखेलका निकोलस म्यान अफ दी म्याच घोषित हुनु भयो । जावलाखेलले फागुन ३ गते चर्च व्वाइज यूनाइटेडसंग प्रतिष्प्रर्धा गर्ने भएको खेल संयोजक पूर्ण बहादुर गुरुङले जनाउनु भयो ।
यसैबिच, भोलि (विहिबार) तेश्रो प्रि—क्वाटरफाइनल खेलमा सशस्त्र प्रहरी बलको एपिएफ क्लव बिरुद्ध पोखरेलीको प्रिय टोली मनाङ मस्र्याङदी क्लव बिच खेल हुने भएको छ । अस्थायी फ्लटलाइट जडान गरे पनि प्रयाप्त मात्रमा खेल्न योग्न नभएको गुनासो आएसंगै आजदेखि आयोजक सहारा क्लवले दिउसो ४ः०० बजे देखि खेल संचालन गर्न सुरु गरेको हो । यस अघि ५ः०० बजे पछि साँझमा खेल संचालन गर्ने तयारी गरिएको थियो । उद्ुघाटन खेल भने दोश्रो हाप पछि सम्केसाँझमा संचालन भएको थियो । मंगलबार भएको उद्घाटन खेलमा पाहुना टोली हङकङको गोर्खा इन्टरनेशनल फुटबल क्लबलाई पराजित गर्दै आयोजक सहारा क्लवले २५ औं आहा ! रारा पोखरा गोल्डकप फुटबल प्रतियोगिता–२०८२ को क्वाटरफाइनलमा प्रबेश गरेको छ ।फागुन ९ गतेसम्म सञ्चालन हुने उक्त प्रतियोगितामा ३ विदेशी सहित १२ टिमको सहभागिताल रहेको सहारा क्लबका अध्यक्ष केशवबहादुर थापाले पोखराक्लिकलाई बताउनु भयो ।
प्रतियोगिताको विजेताले नगद १४ लाख १ हजार रुपैयाँसहित शिल्ड, ट्रफी, मेडल र प्रमाणपत्र प्राप्त गर्नेछ भने उपविजेताले ७ लाख १ हजार रुपैयाँसहित शिल्ड, ट्रफी, मेडल र प्रमाणपत्र पाउनेछ । यस वर्षको सर्वोत्कृष्ट खेलाडीले टेल्जी इलेक्ट्रिक स्कुटर प्राप्त गर्नेछन्। हिमश्री फुड्सको उत्पादन रारा तयारी चाउचाउ प्रतियोगिताको मुख्य प्रायोजक हो ।
