दीननाथ बराल,
पोखरा १८, माघ,
पोखरामा जारी दक्षिण एसियाली फुटबल महासङ्घ (साफ) यू—१९ महिला फुटबल च्याम्पियनसिप अन्र्तगत भोलि (सोमबार) लिग चरणका दुई खेल हुने भएका छन् । पोखरा रङ्गशालाको फुटवल मैदानमा सोमबार मध्यान्हः १२ः०० बजे पछि बंगलादेश र भारत बिचको खेल हुने भएको छ ।
यसपाली सहभागि ४ टिम मध्य भारत र बंगलादेशको टिमलाई बढी सशत्त मानिएको छ । त्यसै गरी सोमबार दिउसो ३ः०० बजे पछि भूटान र नेपाल बिचको खेल हुने भएको अखिल नेपाल फुटवल संघ (एन्फा) ले जनाएकोे छ ।शनिबार पोखरा रङ्गशालाको फुटवल मैदानमा भएको पहिलो खेलमा बङ्गालादेशले भुटानलाई एकतर्फी शुन्यका बिरुद्ध १२ गोल गरी आफ्नो अंक तालिकामा ३ अंक जोडेको छ भने अर्को खेलमा भारतले नेपाललाई १—० को गोल अन्तरले पराजित गरी ३ अंक बटुलेको छ ।
भूटान र नेपालले एक÷एक खेलबाट अंक जोड्न सकेका छैनन । यही माघ २४ गतेसम्म सञ्चालन हुने प्रतियोगितामा नेपाल, भारत, भुटान र बङ्गलादेश सहभागी रहेको छ । आज आइतबार उक्त प्रतियोगिताको रेष्ट वा कुनै खेलहरु संचालन भएको छैन् । राउण्ड रोविनका आधारमा सबै भन्दा धेरै अंक ल्याउने पहिलो र दोश्रो बिच माघ २४ गते फाइनल खेल हुने भएको छ ।
