दीननाथ बराल,
पोखरा, १७ पुस
नेवाः मिसा पुचः कास्कीको आयोजनामा पोखरामा नेवारी सांस्कृतिक उत्सव ‘झोः भ्वयः’ (नेवारी परम्परा भोज) को चौथो संस्करण यही पुस १९ गते (शनिबार) आयोजना हुने भएको छ । पोखरा ३ मा रहेको भीमसेनटोल स्थित नेवा छेंमा हुने उक्त कार्यक्रमको तयारी अन्तिम चरणमा पुगेको आयोजक संस्थाका अध्यक्ष संगीता बज्राचार्यले आज (विहिबार) पोखरामा आयोजित पत्रकार सम्मेलनमा जानकारी गराउनु भएको हो ।
नेवार तथा गैरनेवार समुदायका १ हजार ५ सय जना भन्दा बढीको सहभागिता हुने गरी तयारी गरिएको उहाँले जनाउनु भयो । हालसम्म १ हजार २ सय जनाले कार्यक्रममा सहभागिता जनाउने पक्का भएको उहाँले जनाउनु भयो । नेवारी समुदायको संस्कार, संस्कृति र खानपानको संरक्षण तथा प्रवद्र्दन गर्ने उद्देश्यले तीन–तीन वर्षमा एकपटक झ्व भ्वय आयोजना गर्दै आएको बताउदै उहाँले २०७२ सालदेखि उक्त कार्यक्रमलाई सुरु गरिएको बताइन्छ । सांस्कृतिक मूल्य र परम्परागत खानपान युवापुस्तासम्म पुरÞ्याउने लक्ष्य समेत राखिको अध्यक्ष बज्राचार्यले बताउनु भयो । नेवारी समुदायका लागि सांस्कृतिक पहिचान मात्र नभई जाडो महिनामा अनिवार्य भोजको धार्मिक–सांस्कृतिक परम्परा समेत जोडिएको उहाँले बताउनु भयो ।
“हाम्रो फुड कल्चर, संस्कार र प्रचलन नयाँ पुस्ताले प्रत्यक्ष अनुभूति गर्न पाओस् भनेर कार्यक्रमलाई अझ प्रभावकारी बनाएका छौँ,”– अध्यक्ष बज्राचार्यले भन्नुयो । शनिबार हुने उक्त झ्व भ्वयमा १ हजार ५ सय भन्दा बढी सहभागीलाई परम्परागत ढंगले स्वागत र भोज गराउने भएको छ । नेवार तथा गैरनेवार सबैका लागि खुला रहने कार्यक्रममा वासा सगुनबाट स्वागत गर्दै नेवारी पक्वानका सुकेला, ग्रेभीयुक्त, झोलिला परिकार क्रमशः खुवाइने भएको अध्यक्ष बज्राचार्यले बताउनु भयो ।
भोजसँगै निरन्तर सांस्कृतिक कार्यक्रम प्रस्तुत गरिने संयोजक सोनी ढेवाजुले बताउनुभयो । नेवारी गीत–संगीतमा विगत महिनाहरुमा चर्चामा रहनु भएको निसा देशार, रामभत्त जोजिजू, इतु जोजिजू लगायत कलाकारहरूले प्रस्तुती हुने भएको छ ।नेवाः खल कास्कीका अध्यक्ष अशोक पालिखेले झ्व भ्वय कार्यक्रमले नेवारी भाषा, संस्कार र सांस्कृतिक सम्पदाको संरक्षणमा महत्वपूर्ण योगदान दिएको बताउनु भयो । उक्त कार्यक्रम नयाँ पुस्ताका लागि नेवारी संस्कृतिको जीवन्त बिद्यालय जस्तै रहेको उहाँको आशाय थियो ।त्यस्तै विशेष सहयोगीका रुपमा पोखरा महानगरपालिका–९ को कार्यालय रहेको महासचिव किरण बिजुक्छेले बताउनु भयो । उक्त भोजमा सहभागि हुनको लागि प्रति व्यक्ति ८ सय ५० रुपैयाको शुल्क निर्धारण गरिएको छ । कार्यक्रमको मुख्य प्रायोजन फिस्टेल आईभिएफ फर्टिलिटी सेन्टर गैह्रापाटनले गर्ने भएको छ ।
