दीननाथ बराल
पोखरा ९, माघ
के तपाँई पोखरामा जारी आहा रारा पोखरा गोल्ड कप हेर्दै हुनुहुन्छ ! अब फुटवलको रौनकसंगै तपाँईले एकै खेल हेर्दै रमाईलो गरेर ५ हजार रुपैयासम्म हात पार्न सक्नु हुन्छ । यही माघ २० गतेसम्म पोखरामा संचालन हुने २३ औं संस्करणको आहा रारा पोखरा गोल्ड कपमा दर्शकलाई प्रोत्साहन गर्न फ्यान म्याच अफ दी म्याच घोषणा गरी ५ हजार पुरस्कार प्रदान गरिने भएको अग्रज फोटो पत्रकार शुर्दशन रञ्जितले पोखराक्लिकलाई बताउनु भयो ।
नेपाल फोटो पत्रकार संघ कास्कीको समन्वयमा हरेक खेलमा दर्शक दिर्घाबाट फुटवलको रौनक बढाउन गरिएको सेलिब्रेशनको फोटो खिचेर संघले उत्कृष्ट फ्यान म्याच अफ दी म्याच घोषणा गरी हरेक खेलमा ५ हजार पुरस्कार प्रदान गर्ने भएको हो । उद्घाटन खेलमा असोक परिवारले उक्त उपाधि जित्दै १ हजार हात पार्न सफल हुनु भयो ।
बुधबारको खेलबाट भने उक्त फ्यान म्याच अफ दी म्याच घोषणा हुनेलाई ५ हजार पुरुस्कार प्रदान गरिने भएको हो । वेलायतमा बस्दै आउनु भएका रामचन्द्र ÷उमा गुरुङबाट हरेक खेलको लागि फ्यान म्याच अफ दी म्याचलाई ५ हजार पुरस्कार सहयोग स्वरुप उपलब्ध भएकोले उक्त रकम प्रदान गरिने भएको हो । हरेक इभेण्टको महत्व समेत फोटोले बुझाउने हुदा आफुहरुले आहा रारा पोखरा गोल्ड कप संचालनकै क्रममा फोटो खिचेर निर्णायक कमिटिले दिएको सिफारिसको आधारमा उत्कृष्ट घोषणा सहित पुरस्कृत गरिने भएको संघका अध्यक्ष दुर्गा प्रसाद पौडेलले पोखराक्लिकलाई बताउनु भयो ।
सहारा क्लवको आयोजनामा मंगलबार भएको उद्घाटन खेलमा आयोजक सहारा क्लबलाई पराजित गर्दै थ्री स्टार क्लव २३ औं संस्करणको आहा रारा पोखरा गोल्ड कपको क्वाटरफाइनलमा प्रबेश गरेको छ । पहिलो प्रि–क्वाटरफाइनल खेलमा थ्री स्टारले आयोजक सहारा क्लबलाई २–१ को गोल अन्तरले पराजित गर्दै अन्तिम आठमा यात्रा बनाएको हो । भोलि बुधबार राइजिङ स्टार क्लव बिरुद्ध त्रिभुवन आर्मी क्लव बिच खेल हुने भएको क्लवका अध्यक्ष केशवराज बरालले बताउनु भयो । प्रतियोगितामा सहभागि हुने पाहुना टोली भुटान पारो एफसी नेपाल भित्रिएको महासचिव रामजी प्रसाद अधिकारीले बताउनु भयो ।
