गण्डकी प्रदेश टेनिस संघको आयोजना तथा पोखरा कलेज अफ म्यानेज्मेण्टको प्रमुख प्रायोजनमा पोखरामा जारि प्रथम पिसिएम कप खुला राष्ट्रिय जुनियर टेनिस प्रतियोगिता अन्तर्गत १८ वर्ष मुनिको पुरुषतर्फ सन्दिप विक र शास्वत बज्राचार्य उपाधीका लागि भिड्ने भएका छन् । पोखरा रंगाशालाको टेनिस कोर्टमा आइतबार भएको सेमिफाइनलमा सन्दिपले सुरेन्द्र विकलाई ७–६, ६–३ को सेटमा पराजित गर्दै फाइनलमा स्थान बनाएका हुन् ।
त्यस्तै, शास्वतले अभिषेक विकलाई ६–३, ६–३ को सेटमा पराजित गर्दै अन्तिममा स्थान सुरक्षित बनाए । १४ वर्ष मुनि आर्यषराज पौडेल र अभिषेक बयलकोटी फाइनलमा प्रवेश गरेका छन् । आर्यषले अनमोल सार्कीलाई ६–०, ६–० ले तथा अभिषेकले सायन्स बस्नेतलाई ७–६, ७–३ को सेटमा पराजित गरेका थिए ।
गल्र्सतर्फ यु–१४ र यु–१२ दुर्वतर्फको उपाधी निम्ती कुँवरले जितेकी छन् । उनले १४ वर्ष मुनिको फाइनलमा रजिसा कुँवरलाई ६–१, ६–४ ले पराजित गरेकि थिइन् । त्यस्तै १२ वर्ष मुनिको फाइनलमा उनले बोनि म्याक्लागनबाट वाकओभर पाएकी थिइन् । गत शुक्रबारदेखि शुरु प्रतियोगितामा ८ देखि १८ वर्ष उमेर समुहमा पुरुष तथा महिलातर्फ फरक फरक सातवटा इभेन्टहरूमा प्रतिस्पर्धा भएका छन् । प्रतियोगिताको दुईवटा फाइनलसंगै समापन सोमबार पोखरा रंगशाला टेनिस कोर्टमा हुने टुर्नामेण्ट डाइरेक्टर कुमार अधिकारीले जानकारी दिए ।
