पोखरा २३, मंसिर,
अखिल नेपाल फुटबल संघ (एन्फा) को आयोजनामा पोखरामा आउँदो माघ दोश्रो साता देखि साफ यु–१९ महिला च्याम्पियनसिप फुटबल प्रतियोगिता हुने भएको छ । पोखरामा पहिलो पटक आगामी माघ १५ (जनवरी २९) देखि उक्त प्रतियोगिता हुने तयारी गरिएको अखिल नेपाल फुटबल संघ (एन्फा) का महासचिव किरण राईले मंगलबार पोखराका पत्रकारसंग बताउनु भएको हो ।
सोहि प्रतियोगिताका लागि दक्षिण एसियाली फुटबल महासंघ (साफ) को महासचिव पुरुषोत्तम कट्टेल र एन्फा महासचिव राईसहितको टोलीले मंगलबार पोखरा रंगशालाको फुटवल मैदान अवलोकन समेत गर्नु भएको छ । अवलोकनपछि महासचिव राईले लामो समय देखि अन्तर्राष्ट्रिय प्रतियोगिता प्रत्यक्ष हेर्नबाट बञ्चित पोखरेलीहरुले अब त्यो अवसरमा पाउने बताउनु भयो । एन्फाले पोखरामा पहिलोपटक अन्तर्राष्ट्रिय स्तरको प्रतियोगिता आयोजन गर्न लागेको उहाँले बताउनु भयो ।
पोखरा रंगशालाको फुटबल स्टेडियममा १३औं दक्षिण एसियाली खेलकुद (साग) पछि पहिलो पटक साफ यू१९ महिला फुटबल च्याम्पियनसिप गर्ने तयारी भएको हो । रंगशाला निर्माण सम्पन्न भए पछिको यो दोस्रो ठूलो प्रतियोगिता समेत हो । सन २०१९ मा पोखरा रंगशाला निर्माणकै क्रममा १३ औं साग अन्तर्गतको महिला फुटबल आयोजना भएको थियो ।
जिल्ला खेलकुद विकास समितिका अध्यक्ष एवं एन्फा गण्डकी प्रदेशका बरिष्ठ उपाध्यक्ष मिलन गुरूङले उक्त प्रतियोगिता पोखरामा हुनुले यस क्षेत्रको खेल पर्यटनको प्रबद्र्धन हुने विश्वास व्यक्त गर्नुभयो । काठमाण्डौंमा हुने तयारी गर्दा गर्दै एन्फाले देशकै ठूलो र दर्शक १६ हजार ५ सय सबे भन्दा बढी दर्शक सिट क्षमता रहेको पोखरा रंगशालामा उक्त प्रतियोगिता हुने मिति घोषणा हुनुले यस क्षेत्रको फुटबल विकासका लागि महत्वपूर्ण हुने उहाँले जनाउनचभयो । उक्त प्रतियोगितालाई पोखरेलीको साथ समर्थन हुने भएको अखिल नेपाल फुटवल संघ एनफा कास्कीका अध्यक्ष उज्वल रञ्जितले बताउनु भयो ।
