दीननाथ बराल,
पोखरा १४, साउन,
पोखरामा स्कुल बस दुर्घटना हुँदा सहचालक(बसकी सहयोगी) एक महिलाको मृत्यु भएको छ । पोखरा पार्दीविरौटाको एलपी देवकोटा मेमोरियल स्कुल बस मट्टिखान नजिक भिरबाट पल्टना पुग्दा बसकी सहयोगी पोखरा २१ रामदीकी ३२ बर्षकी आरती विकको उपचारकै क्रममा मृत्यु भएको पोखरा २१ का वडा अध्यक्ष दीपक प्रसाद सुवेदीले पोखराक्लिकलाई बताउनु भयो ।
बस दुर्घटनामा परी कृष्तिका ९ बर्षका मनमोल बि.क.गम्भिर घाइते भएको कास्की प्रहरीले जनाएको छ ।
आज बिहान करिब ८ः५० बजे बस दुर्घटनामा पर्दा २२ जना बिद्यार्थी सहित २९ जना घाइते भएको प्रहरीले जनाएको छ ।
ग १ क ६२१९ नम्बरको बस पल्टन साथ उहाँहरुको प्रहरी र स्थानियको सहायताबाट पोखराका विभिन्न अस्पतालमा पुर्याईएको छ । अधिकांशको गण्डकी मेडिकल कलेजमा उपचार भई रहेको छोरेपाटन प्रहरी चौकीका सुर्य थापाले बताउनु भयो । बस चालक समेत घाइते हुनु भएको प्रहरीले जनाएको छ । पोखराको नमस्ते हस्पिटल र मणिपाल शिक्षण अस्पतालमा समेत केहीको उपचार भई रहेको छ ।
कास्की प्रहरीले जारी गरेको प्रेस विज्ञेप्तिमा नाम सहित घाइतेहरुको विवरण ।
स्कूल बस दुर्घटनाहुँदा ३० जना सवार मध्ये१ जनाको मृत्यु २९ जना घाईते:-
मिति २०८१।०४।१४ गते अं.०८:५५ बजेको समयमा जिल्ला कास्की पोखरा महानगरपालिका वडा नं.२१ गुड्कु स्थित भित्री सडक खण्डमा रामदीबाट पोखरातर्फ आउँदै गरेको पोखरा १७ बिरौटा स्थितमा रहेकोL.P.देवकोटा मेमोरियल ईङलिस बोडिङ स्कूलको ग १ क ६२१९ नं.को बसअनियन्त्रित भई सडकबाट ५० मिटर तल खस्न जांदा चालक तथा बिद्यार्थी सहित ३० जना घाईते भई उपचारको लागी पोखरा पठाएको,उक्त स्थानमा जिल्ला प्रहरी कार्यालय कास्कीबाट प्रहरी उपरीक्षक मोहन कुमार थापाको कमाण्डमा५५ जनाको प्रहरी टोली खटिई गई उद्दार कार्य गरेको ।
गण्डकी मेडिकल कलेजमा उपचाररत घाईतेहरु :-
१) जिल्ला कास्की पोखरा म.न.पा. २१ कृष्ती बस्ने वर्ष ९ को अनमोल बि.क., अबस्था मध्यम ।
२) ऐ.ऐ. बस्ने बर्ष ५ को रोशन बराल, अबस्था मध्यम ।
३) ऐ.ऐ. रामदी बस्ने बर्ष १४ को दिप्सन कार्की, अबस्था मध्यम ।
४) ऐ.ऐ. बस्ने बर्ष ६ को योना गुरुङ, अबस्था मध्यम ।
५) ऐ.ऐ. बस्ने बर्ष १३ की डिना गुरुङ, अबस्था सामान्य ।
६) ऐ.ऐ. बस्ने बर्ष १५ की प्रकृती कार्की, अबस्था मध्यम ।
७) ऐ.ऐ. एकहाते बस्ने बर्ष ६ को प्रिन्स राना, अबस्था सामान्य ।
८) ऐ.ऐ. रामदी बस्ने बर्ष ७ की चिजा बि.क., अबस्था सामन्य ।
९) ऐ.ऐ. बस्ने बर्ष ९ को प्रवेश कार्की, अबस्था मध्यम ।
१०) ऐ.ऐ. बस्ने बर्ष १२ की विसिका पौडेल, अबस्था मध्यम ।
११) ऐ.ऐ. बस्ने बर्ष ११ को बिश्वास पौडेल, अबस्था सामान्य ।
१२) ऐ.ऐ. बस्ने अं. बर्ष ४/५ को प्रिन्स बि.क., अबस्था सिरियस ।
१३) ऐ.ऐ. एकहाते बस्ने बर्ष १२ की सिम्रन बि.क., अबस्था मध्यम ।
१४) ऐ.ऐ. रामदी बस्ने बर्ष ११ को विवश खत्री, अबस्था मध्यम ।
१५) ऐ.ऐ. बस्ने वर्ष ३३ की आरती बि.क., ऐ.०९:४१ बजे चिकित्सकद्वारा मृत घोषणा (सोही विद्यालयको कार्यालय सहयोगी) ।
पश्चिम क्षेत्रीय अस्पतालमा उपचाररत घाईतेहरु:-
१)जिल्ला कास्की पोखरा म.न.पा. २१ बस्ने बर्ष ८ की अनन्या पौडेल, अबस्था मध्यम ।
२) ऐ.ऐ. बस्ने बर्ष ३ की सिमन मगर, अबस्था मध्यम ।
३) ऐ.ऐ. बस्ने बर्ष ३ को न्युजन मगर,अबस्था मध्यम ।
४) ऐ.ऐ. बस्ने बर्ष ७ को रिजन मगर, अबस्था मध्यम ।
५) ऐ.ऐ. बस्ने बर्ष १२ को रामकृष्ण नेपाली, अबस्था मध्यम ।
६) ऐ.ऐ. बस्ने बर्ष २ को अंकित खत्री, अबस्था मध्यम ।
७) ऐ.ऐ. बस्ने बर्ष १४ की सितादेवी बि.क.,अबस्था मध्यम (निज छोरेपाटन सेकेन्डरी स्कुलमा अध्ययनरत विद्यार्थी)।
८) ऐ.ऐ. बस्ने बर्ष ७ को अस्मित बि.क., अबस्था मध्यम ।
९) ऐ.ऐ. बस्ने बर्ष ३० की सुमित्रा सुनार,अबस्था मध्यम (निज बच्चाको फि तिर्न आएकी अविभावक) ।
१०) ऐ.ऐ. बस्ने बर्ष २ को निर्दोष सुनार, अबस्था मध्यम ।
११) ऐ.ऐ. बस्ने बर्ष ३० की सपना आले, अबस्था मध्यम, (शिक्षक) ।
१२) ऐ.ऐ. बस्ने बर्ष ११ को निश्चल सुनार, अबस्था मध्यम ।
मणिपाल शिक्षण अस्पतालमा उपचाररत घाईतेहरु:-
१) जिल्ला कास्की पोखरा म.न.पा. १७ बिरौटा बस्ने बर्ष ५५ को टेक बहादुर भुजेल, अबस्था मध्यम, (बस चालक) ।
२) ऐ.ऐ. २१ रामदी बस्ने बर्ष ८ को निशान सुनार, अबस्था समान्य ।
३) ऐ.ऐ. बस्ने बर्ष ५ को सागर थापा, अबस्था मध्यम ।
