दीननाथ बराल,
पोखरा २४, चैत,
हार्ड वोण्ड फ्रेण्ड्सको आयोजनामा पोखरामा शनिवार सम्पन्न भएको प्रथम एमेचर फुटसल प्रतियोगिता २०८० मा यात्रा नेपालको टिमले उपाधि जितेको छ । स्पोट्स क्यासल फुटसलमा शनिबार भएको फाईनल खेलमा यात्रा नेपालले मिलन टोल समुहलाई ४–० को गोल अन्तरले पराजित गर्दै उपाधि जितेको हो ।
यात्रा नेपालको जितमा संदिप तामाङ, दिनेश गुरुङ, अंकिल गुरुङ र प्रनिल रानाभाटले एक÷एक गोलको गोगदान दिनु भयो । प्रतियोगितामा प्रथम पुरस्कार ५५ हजार ५ सय ५५ रहेको थियो भने दोश्रो पुरस्कार २५ हजार ५ सय ५५ रूपैया रहेको थियो । प्रतियोगितामा यात्रा नेपालका संदिप तामाङ म्यान अफ दी म्याच घोषित हुनु भयो ।
विजयी खेलाडीहरूलाई राष्ट्रिय खेलकुद परिषदका सदस्य राजेश कुमार गुरूङ, नेपाल खेलकुद पत्रकार मञ्च गण्डकीका अध्यक्ष दीननाथ बराल लगायतले पुरस्कार वितरण गर्नु भएको थियो । कार्यक्रममा बोल्दै राखेप सदस्य गुरूङले खेलाडीहरूलाई अनुशासनमा रहन आग्रह गर्दै सुर्खाेतमा हुने १० ओैं राष्ट्रिय खेलकुद प्रतियोगितामा सहभागी हुने गरि उत्कृष्ट खेल प्रदर्शन गर्न सुझाव दिनु भयो । साथै उहाँले नवौं प्रतियोगितामा गण्डकीले राखेको साख जोगाउने गरी विभिन्न खेलको प्रशिक्षण अब सुरु गर्नुपर्नेमा जोड दिनु भयो ।
प्रतियोगितामा २९ समुहले सहभागीको लागि टिम दर्ता गराएकोमा ९ समुहले अन्तिम समयमा सहभागि नभएको आयोजकले जनाएको छ । यसैबिच शनिबार महिला तर्फ भएको रियल म्याड्रिड एफ.सी. पोखरा ए र बी बिचको खेलमा ए को समुह बिजयी भएको हार्ड वोण्ड फ्रेण्ड्सका अध्यक्ष विश्वास गुरुङले बताउनु भयो । प्रतियोगितामा मिलन टोलका नामास थापा मगर उत्कृष्ट खेलाडी घोषित हुदा उत्कृष्ट गोलरक्षकमा यात्रा नेपालका अन्जन क्षेत्री घोषित हुनु भएको प्रतियोगिताका संयोजक अरुण थापा मगरले बताउनु भयो ।
