पोखरा,
एसियाली खेलकुद पत्रकारहरुको साझ संस्था एसियाली खेलकुद पत्रकार संघ (एप्स एसिया) को महासभामा सहभागि हुन अग्रज फोटो पत्रकार सुदर्शन रञ्जित हङकङ जानु भएको छ । एप्स एसियाको २६औं महासभा चिन स्वशासित हङकङमा यहि जुन ३० देखि जुलाई ४ (असार १६–२०) सम्म आयोजना हुँदैछ ।
महासभामा सहभागि हुन एप्स एसियाका कोषाध्यक्ष निरन्जन राजवंशी, नेपाल खेलकुद पत्रकार मञ्चका केन्द्रिय अध्यक्ष निरन्जन अधिकारी र हिमेश रत्न बज्रचार्य शनिबार नै हङकङ प्रस्थान गर्नु भएको हो ।
एप्स एसियाको महासभामा विभिन्न विषयमा कार्यशालाहरू सञ्चालन हुनेछन् भने रणनितिक छलफल तथा विषयगत गोष्ठिहरु हुनेछन् । सोही कार्यक्रममा हरेक वर्ष झैं खेलकुद पत्रकारिता संगै उत्कृष्ट हुने विभिन्न देशका खेलकुद पत्रकारहरुलाई समेत अवार्ड प्रदान गरिने भएको छ । एप्स एसियाको २५ औं महासभा गत वर्ष नेपालमा आयोजना भएको थियो ।
