दीननाथ बराल,
पोखरा, १३ फागुन
कास्कीको पर्यटकीय गाउँ धम्पुसमा भोलि (बुधबार) देखि तेस्रो माछापुच्छु«े गाँउपालिका अध्यक्ष कप गण्डकी प्रदेश पालिका स्तरीय पुरुष तथा खुल्ला महिला भलिबल प्रतियोगिता–२०८१ हुने भएको छ । माछापुच्छु«े गाउँपालिका खेलकुद विकास समितिको आयोजनामा माछापुच्छ«े गाउँपालिका वडा नं.७ धम्पुसको व्यवस्थापन र माछापुच्छ«े गाउँपालिका भलिबल संघको समन्वयमा फागुन १७ गते सम्म हुने उक्त प्रतियोगिताको तयारी पूरा भएको मंगलबार पोखरामा आयोजित पत्रकार सम्मेलनमा जानकारी गराइएको हो ।
प्रतियोगिता अन्र्तगत पुरुष तर्फ १४ टिम र महिला तर्फ ५ टिमको सहभागिता रहेको माछुापुच्छ«े गाउँपालिका अध्यक्ष मिनबहादुर गुरुङले बताउनु भयो । प्रतियोगितामा पुरुष तर्फ प्रथम पुरस्कार २ लाख, द्धितीय पुरस्कार १ लाख र सेमी फाइनलमा उपविजेता दुइ टिमलाई ५०÷५० हजार ट्रफि मेडल र प्रमाण पत्र प्रदान गरिने भएको छ । त्यसैगरी महिला तर्फ प्रथम पुरस्कार १ लाख, द्धितीय पुरस्कार ५० हजार र सेमी फाइनलमा उपविजेता दुई टिमलाई २५÷२५ हजार ट्रफि मेडल र प्रमाण पत्र प्रदान गरिने भएको छ । पुरुष तथा महिला भलिवलमा विधागत उत्कृष्ट खेलाडी, उत्कृष्ट स्पाइकर, मिडल ब्लकर, डिफेन्डर, सेटर सर्भर र प्रशिक्षकलाई पालिकाको लोगो अंकित खेल पोशाक पुरस्कार प्रदान गरिने भएको छ ।
गत बर्ष पुरुष तर्फ विजेतालाई ३ लाख उपविजेतालाई २ लाख पुरस्कार प्रदान गरिएको थियो भने यस बर्ष महिला तर्फको इभेण्ट थप भएका कारण पुरस्कार राषि घटाइएको अध्यक्ष गुरुङले जनाउनु भयो । महिला तर्फको इभेण्टका कारण पुरुष तर्फको पुरस्कारमा करिब ३३ प्रतिशत रकम घटेको उहाँले जनाउनु भयो । यस वर्ष देखि महिला भलिबल प्रतियोगिता समावेश गर्ने भएकोले प्रतियोगितामा अझै वढि रौनकता थपिने माछापुच्छ«े गाँउ पालिकाकी उपाध्यक्ष सिता अधिकारीले दाबी गर्नु भयो । उक्त खेलको माध्यमबाट धम्पुस क्षेत्रको खेल पर्यटनको प्रबद्र्धन गर्न मद्धत पुग्ने उहाँले जनाउनु भयो ।
दोस्रो माछापुच्छ«े गाउँपालिका अध्यक्ष कप गण्डकी प्रदेश पालिका स्तरीय पुरुष भलिबल प्रतियोगिता–२०८० मा बौदीकाली गाउँपालिका नवलपुर प्रथम, र गल्कोट नगरपालिका बाग्लुङ दोस्रो भएको युवा तथा खेलकुद शिक्षा शाखाका प्राविधिक सहायक विष्णु प्रसाद अधिकारीले बताउनु भयो । उक्त प्रतियोगिताको अवसरमा राष्ट्रिय तथा स्थानिय कलाकारहरुको समेत बिषेश प्रस्तुती हुने भएको माछापुच्छ«े गाउँपालिका ७ का वडा अध्यक्ष वैकुण्ठ भण्डारीले बताउनु भयो ।
