दीननाथ बराल,
पोखरा १, फागुन,
पोखरामा जारी २४ औं सस्करणको आहा रारा पोखरा गोल्ड कप फुटवल प्रतियोगिता २०८१ अन्र्तगत आज (विहिबार) दोश्रो सेमिफाइनल खेलमा उज्विकिस्तानको ब्ल्याक बुल्स फुटवल क्लव र थ्रि स्टार क्लव बिच खेल हुने भएको छ । आज दिउसो २ः०० बजे पछि उक्त खेल हुने भएको प्रतियोगिताका संयोजक पूर्ण बहादुर गुरुङले बताउनु भयो ।
आजको बिजेताले नेपाल पुलिससंग उपाधिको लागि फागुन ३ गते शनिबार फाइनल खेलमा प्रतिष्प्रर्धा गर्ने भएको छ ।
यसैबिच बुधबार भएको खेलमा नेपाल पुलिस क्लवले जितहासिल गर्दे फाइनलमा प्रबेश गरेको छ । पोखरा रंगशालाको फुटवल मैदानमा बुधबार भएको पहिलो सेमिफाइनल खेलमा पुलिसले चर्च ब्वाईज यूनाइटेडलाई १—० को गोल अन्तरले पराजित गर्र्दै फाइनलमा यात्रा तय गरेको हो ।
पुलिसको जितमा संजिव लामा नायक बन्नु भयो । उहाँले खेलको ५८ औं मिनेटमा गरेको गोल नै निर्णायक बन्न पुग्यो । बुधबारको खेलमा लामा म्यान अफ दी म्याच समेत घोषित हुनु भयो ।
प्रतियोगिताको मुख्य प्रायोजक हिमश्री फुड्स प्रालिको उत्पादन रारा तयारी चाउचाउ रहेको छ ।
