पोउवा संघको कार्यसमितिमा नन्दकुमारीको मनोनयन

-


     पोखरा क्लिक     
     मंसिर ३ गते २०८३ मा प्रकाशित


पोखरा,३ मंसिर,

पोखरा उद्योग वाणिज्य संघको कार्यसमितिमा थप एकजना सदस्य मनोनित भएकी छन् । मनोनित हुनेमा गुडमर्निङ ट्रेड सेण्टरकी प्रोपाइटर नन्दकुमारी सुवेदी ढुंगाना रहेकी छन् ।

संघकी अध्यक्ष शोभा गौतमले संघको विधान २०६५९ पहिलो संशोधन० २०७२ को परिच्छेद ६.१.१(ड) ले दिएको अधिकार प्रयोग गर्दै उनलाई कार्यसमितिमा मनोनित गरेकी हुन् । सो धाराले अध्यक्षलाई कार्यसमितिको सहमतिमा ४ जना सदस्य मनोनित गर्ने अधिकार दिएको छ ।

मनोनित सदस्य नन्दकुमारीले बुधबार नै पद तथा गोपनीयताको सपथ लिएका छन् । अध्यक्ष गौतमले गएको असोज २८ गते साजन गिफ्ट एण्ड किचन कर्नरका प्रोपाइटर डिल्लीराज सुवेदी तथा थापा सप्लायर्सका प्रोप्राइटर तुलबहादुर थापालाई सदस्यमा मनोनित गरेकी थिइन् ।