दीननाथ बराल,
पोखरा ६, जेठ,
यस बर्षको एसईई परिक्षामा फोजिपिए ल्याएका पोखराका दुई जुम्ल्याहा दिदी बहिनीलाई जन प्रकाश माविले आज (बुधबार) एक समारोहका बिच नगद सहित सम्मान गरेको छ । जुम्ल्याहा दिदीबहिनी दिब्या र दिपिका सुबेदीले माध्यमिक शिक्षा परिक्षा (एसईई) २०८२ मा समान ४.० जिपिए हासिल गरेकोमा बिद्यालयले बुधबार जनही नगद २५ हजार सहित सम्मान गरेको हो ।
पोखरा महानगरपालिका वडा नं.–२९ स्थित जनप्रकाश मा.वि.मा अध्ययनरत दिब्या र दिपिकाले ४.० जिपिए ल्याएर बिद्यालयको इज्जत बढाउने काम गरेको हुदा बिद्यार्थीको हौसला स्वरुप आफुहरुले उहाँहरुलाई सम्मान गरिएको बिद्यालयका अध्यक्ष प्रमोद भण्डारीले बताउनु भयो ।
पोखरा २९ का वडाध्यक्ष श्रीप्रसाद गुरुङ र अध्यक्ष भण्डारीले नगद २५ हजारको साथमा मायाको चिनो हस्तान्तरण गर्दै बिद्यार्थीलाई सम्मान गर्नु भएको हो । बिद्यालयका प्रधानाध्यापक शेखरनाथ शर्माले ३३ बर्षको इतिहासमा दुई दिदी बहिनीले यस बर्षको एसईईमा ल्याएको नतिजाले बिद्यालयको गौरव बढाएको बताउनु भयो । उहाँहरु सानै देखि पढाइ तथा अतिरिक्त क्रियाकलापमा समान नतिजा ल्याउँदै आएको उहाँले जनाउनु भयो । शिक्षकहरूका अनुसार उहाँहरूलाई छुट्याउन समेत कठिन पर्ने गर्थ्यो । यसपटक एसईईमा पनि दुवैले उत्कृष्ट नतिजा ल्याएपछि विद्यालय र परिवारमा खुसी छाएको छ । दुई जुम्ल्याहा छोरीका बाबु शालीकराम सुवेदीले आफ्ना छोरीहरु बिद्यालयमा अध्ययन गरेदेखि कुनै पनि कक्षामा प्रथम र दोश्रो दुई छोरीहरु नै हुदै आएको दाबी गर्दै अबको शिक्षा काठमाण्डौं गएर पढ्ने इच्छालाई पूरा गर्ने जनाउनु भयो ।
बिद्यालयका शिक्षक समेत रहनु भएको शालिकरामले घरमा पसल समेत संचालन गर्दा छोरीहरुलाई खासै समय दिन नसके पनि आज बिद्यालयको नाम उचो पार्ने काम गरेकोमा खुसि व्यक्त गर्नुभयो । गोल्डेन नेचर बोर्डिङ स्कुलबाट कक्षा ६ सम्म अध्यय गरी त्यस पछि जन प्रकाश माविमा अध्ययन गर्नु भएको दुई छोरीलाई पढाउनको लागि भनेर एक पैसा पनि खर्च नभएको उल्टै अतिरिक्क्त कृयाकलाप र पुरस्कार प्राप्त भएको बाबु शालिकरामले बताउनु हुन्छ । विद्यालयले दुवै बहिनीलाई बधाई दिँदै उज्ज्वल भविष्यको कामना गरेको छ । बिद्यालयमा हाल एक हजार जना बिद्यार्थी अध्ययनरत रहेका छन् । बिद्यालयमा दुम्ल्याहा दिदीबहिनीले पढाइका साथै अतिरिक्त कृयाकलमपमा पनि उस्तै राम्रो नतिजा ल्याउने गरेको शिक्षक बिमल न्यौपानेले स्मरण गर्नुभयो ।
