दीननाथ बराल,
पोखरा १४, पुस,
लेखनाथ उद्योग बाणिज्य संघको आयोजनामा पोखरा २७ डाँडाकोनाक (तालचोक) मा आयोजना भएको २१ औं संस्करणको लेखनाथ महोत्सवमा करिब ३ लाख ३५ हजार दर्शक भित्रिदा ११ करोड मुल्य बराबरको आर्थिक कारोबार भएको छ । ‘‘महोत्सव लेखनाथको संस्कृति, स्थानीय उत्पादन विकास र समृद्धि’’ भन्ने मूल नाराका साथ पुस ३ देखि सोमबारसम्म १२ दिनसम्म संचालन भएको उक्त महोत्सवमा आफुहरुले अपेक्षा गरे भन्दा बढी सफलता हासिल गर्न सफल भएको संघका अध्यक्ष एवं महोत्सव संयोजक जानुका पराजुली अधिकारीले बताउनु भयो । ९ करोड बरावरको आर्थीक कारोवार सहित दुई लाख ५० हजार दर्शक भित्राउने लक्ष्य रहेको उहाँले बताउनु भयो ।
महोत्सवले स्थानीय कला, संस्कृति र उत्पादनको प्रचार–प्रसार गर्नुका साथै पर्यटन प्रवद्र्धन, रोजगारी सिर्जना तथा आर्थिक चलायमान गराउन महत्वपूर्ण भूमिका खेलेको अध्यक्ष पराजुलीले जनाउनु भयो । महोत्सवमा अटो देखि कृषि उपज, फेन्सि सहित जडिवुटिसम्मका ३ सय ३६ वटा स्टलहरु रहेका थिए । महोत्सवमा आएर रमाईलो पनि हेर्न पाईने र घर फर्कदा आफुलाई आवश्यक पर्ने स्वदेशी देखि विदेशी सामानहरु सुपथ मुल्यमा पाईने भएपछि महोत्सव स्थल ब्यापारिक केन्द्र जस्तै भएको थियो । महोत्सवमा आएका दर्शकहरुले घर फर्कदा केही न केही सामग्रीलिएर घर फर्कने गरेकाले सार्वजननिक दिनमा भने निकै भिडभाड भएको लेखनाथ उद्योग बाणिज्य संघका कोषाध्यक्ष हरि वस्ताकोटीको बताउनु भयो । महोत्सवको समापन गर्दै पोखरा महानगरपालिकाका मेयर धनराज आचार्यले व्यापारिक मेला तथा महोत्सवले आर्थिक समृद्धिमा टेवा पुग्ने बताउदै यस्ता मेला तथा महोत्सवले क्रेता र विक्रेतालाई एकै ठाउमा जम्मा गरि बस्तु तथा सेवा र उत्पादनको बजारीकरणमा महत्वपूर्ण योगदान पु¥याउने दाबी गर्नुभयो । जेन्जी आन्दोलनका कारण व्यवसायीहरुमा पुगेको क्षती र मनोबल गिरेको अवस्थालाई ध्यानमा राख्दै आर्थीक अवस्थालाई कसरी सुधार गर्न सकिन्छ भन्ने वारेमा आफहरुले चिन्तन गरेका वेला यस्ता कार्यक्रमले थप सहयोग पुगेको मेयर आचार्यले बताउनु भयो ।
पोखरा आसपासमा संचालन हुने महोत्सवलाई नजुधाउने गरि महानगरले सहजिकरण गर्दै आएको उल्लेख गर्दै साविक लेखनाथ क्षेत्रको विकासका लागि बेगनासतालमा वाटर स्र्पोर्टस सञ्चालन गर्ने योजना रहेको भएपनि ३ वर्षदेखी उक्त योजना अगाडी वढ्न नसकेको उहाँले जनाउनु भयो । उक्त योजना सञ्चालन गर्न ढिला भईसकेको वताउँदै यसलाई अगाडी वढाउनका लागी स्थानियहरुको साथ सहयोगको अपेक्षा गर्नु भएको छ । मेयर आचार्यले पोखरा मुग्लीन सडक निर्माणको अन्तिम चरणमा रहेको वताउँदै यस पश्चात पोखरा–लेखनाथको दुरी घट्ने तर्क गर्नुभयो । लेखनाथको विकासमा महानगरको तर्फबाट कुनै विभेद नगरिएको वताउँदै बरु विकासका ठुला योजनाहरुलाई लेखनाथमा केन्द्रीत गरिएको ले अबका दिनमा लेखनाथवासीले आफुहरु मर्कामा परेको अनुभुति गर्न नपर्ने दाबी गर्नुभयो ।
कार्यक्रमा रुपा गाउँपालिकाका अध्यक्ष नवराज ओझाले रुपा र पोखराको एकिकृत विकासका लागि योजना बनाउनु पर्ने बताउनु भयो । पोखरा २६ का वडाअध्यक्ष नरेन्द्र थापाले साविक लेखनाथ क्षेत्रको विकासका लागि यहाँ रहेका सामाजिक संघ सस्था र उद्योग ब्यवसायि वसेर एकिकृत विकासका योजना वनाउन आग्रह गर्नुभयो । महोत्सव समापनका दिनकिनमेल गर्न कै लागि दर्शकहरु आएको र अन्यदिनको तुलनामा स्टलमा राखिएका सामान केही सस्तो भएपछि किनमेल गर्ने दर्शकको संख्यामा वृद्धि भएको मेलाका प्रचार प्रसार संयोजक ध्रुववावु भटृराईले जानकारी दिए । बताउनु भयो । अन्य वर्षका महोत्सवले भन्दा यस वर्षको महोत्सवले सोचे भन्दा बढी सफलता हासिल गर्न सफल भएको वरिष्ठ उपाध्यक्ष गोपिचन्द्र वाँस्तोलाको दावी दाबी गर्नुभयो । संघका अध्यक्ष जानुका अधिकारीको अध्यक्षतामा महोत्सव सम्पन्न भएको महासचिव भरतराज ओझाले पोखराक्लिकलाई बताउनु भयो ।
