जया पौडेल,
पोखरा, १२ असार,
पोखरा महानगरपालिका वडा नम्बर २३ को कार्यालयको आयोजनामा तेस्रो असार हिले महोत्सव यही असार १५ गते आइतबार मार्गी फेवा फाँटमा हुने भएको छ । असारको मौसमी परिवेश र रोपाइँ संस्कृतिलाई उजागर गर्ने उद्देश्य सहित आयोजना गरिएको महोत्सवमा हिलो, कृषि, र स्थानीय मनोरञ्जनजन्य प्रतियोगिता तथा सांस्कृतिक कार्यक्रमहरू प्रस्तुतीः हुने भएको स्थानिय देविलाल लामिछानेले बताउनु भयो ।
महोत्सवमा हिले पुरुष भलिबल प्रतियोगिता, असारे गीतसहितको धान रोपाइँ प्रतियोगिता, महिला र पुरुष हिले दौड, हिलोमा माछा छोप्ने प्रतियोगिता, हल गोरु जोत्ने प्रतियोगिता, रक्साकसी प्रतियोगिता हुने भएको छ ।
त्यस्तै, महोत्सवमा सांस्कृतिक कार्यक्रमहरू समेत आयोजना हुने भएको छ । कार्यक्रमको विशेष आकर्षणका रूपमा पोखेली माग्ने बुढो (युवराज भण्डारी) र पोखेली धुर्मुस लटे (राजेन्द्र नेपाली) को बिषेश प्रस्तुती रहने भएको छ । पोखरा २३ को वडा कार्यालयको आयोजानमा मौरे धर्मडाँडा तथा मार्गी बगर टोल विकास संस्थाको सह–आयोजकमा उक्त महोत्सव हुने भएको हो ।
