पोखरा २७, जेठ,
पूर्वप्रधानमन्त्री डा.बाबुराम भट्टराई नेतृत्वको नेपाल समाजवादी पार्टी (नयाँ शक्ति) केन्द्रीय सचिवालय सदस्य किरण थापा, कास्की जिल्ला अध्यक्ष राजु क्षेत्री लगायत नेताहरू पुनः नेकपा माओवादी केन्द्रमा फर्किएका छन् ।
थापा सहित कास्की अध्यक्ष क्षेत्री, शम्भु खाती, लक्ष्मी खाती लगायत माओवादी प्रवेश गरेका हुन् ।
नेकपा माओवादी केन्द्रका अध्यक्ष पुष्पकमल दाहाल प्रचण्डले उनीहरूलाई खादा, माला लगाएर पार्टीमा प्रवेश गराएका हुन् । लोकतान्त्रिक गणतन्त्र धेरै मेहनतबाट जनताले प्राप्ती गरेकोले त्यस माथि प्रहार हुन लागेकोले संस्थागत दिगो विकासको लागि पुरानै पार्टीमा आफुहरु फर्किएको थापाले बताए ।
नेकपा माओबादी केन्द्र पोखरा महानगर समितिको तेश्रो अधिवेशनको उद्घाटन सत्रमा पार्टी प्रबेश गराइएको सचिव जनकराज पराजुलीले बताए । पछिल्लो समयमा माओबादी प्रति जनताको भरोसा बढेको उनले जनाए ।
