दीननाथ बराल,
पोखरा ६, जेठ,
गण्डकी प्रादेशिक क्रिकेट संघको आयोजनामा आज (मंंगलबार) देखि पोखरामा १६ बर्ष मुनिका खेलाडीहरु सहभागि गण्डकी प्रदेश स्तरिय (यू–१६) पुरुष क्रिकेट प्रतियोगिता हुने भएको छ । पोखरा रंगशालाको क्रिकेट मैदानमा एक साता संचालन हुने प्रतियोगितामा कास्की सहित ६ जिल्लाको सहभागिता रहेको गण्डकी प्रादेशिक क्रिकेट संघका अध्यक्ष सञ्जयकान्त सिग्देलले बताउनु भयो ।
उहाँका अनुसार आजको उद्घाटन खेलमा कास्की क्रिकेट संघ र बागलुङ क्रिकेट संघ बिच खेल हुने भएको छ । लिगकम नकाउटका आधारमा खेल संचालन हुने भएको छ । समुह एमा कास्की, बागलुङ र तनहुँ रहेका छन भने समुह बीमा पर्वत, स्याङजा र नवलपुर रहेकाछन् । यही जेठ १२ गतेसम्म प्रतियोगिता संचालन हुने भएको संघका सचिव सुमन राज कार्कीले बताउनु भयो ।
यही जेठ १७ गतेदेखि सुर्खेतमा सुरु हुने राष्ट्रिय यू–१६ क्रिकेट प्रतियोगितामा सहभागि हुने गण्डकी प्रदेशको टिम छनौट समेत हुने भएको अध्यक्ष सिग्देलले बताउनु भयो ।
