गण्डकी अटो मेकानिकल वक्र्स एशोसियसनमा आबद्ध मेकानिक्सका परिवारका लागी क्यान्सर रोग सम्बन्धि सचेतना सहित स्वास्थ्य परीक्षण गरिएको छ । फुजिमा आयल कम्पनी तथा गोयल ट्रेडिङ्गको सामाजिक उत्तरदायित्व कार्यक्रम अन्र्तगत महिलाहरुको लागी पूर्ण निःशुल्क स्वास्थ्य परीक्षण सहितको शिविर आयोजना गरीएको एशोसियसनका अध्यक्ष विष्णुप्रसाद अधिकारीले बताए ।
महिलाहरुमा हुने स्तन तथा पाठेघरको मुखको क्यान्सरको प्रारम्भिक परीक्षण मार्फत क्यान्सर फैलिन नदिन स्वास्थ्य शिविर उपलब्धिपूर्ण रहेको नेपाल अटो मेकानिक्स व्यवसायी महासंघका वरिष्ठ उपाध्यक्ष कुल बहादुर नेपालीले बताए ।
मणिपाल शिक्षण अस्पतालका महिला रोग विशेषज्ञ डा.शिव श्रेष्ठले क्यान्सरको अवस्था, असर र बच्न सक्ने उपचारको बारेमा जानकारी गराएका थिए ।
सो कार्यक्रममा फुजिमा आयल कम्पनीका व्यवस्थापक नविन बस्नेतले कम्पनीको देशैभर हरेक वर्ष महिलाहरुको लागी क्यान्सर सचेतना सहयोग कार्य गरीदैँ आएको बताए । एशोशियसन मार्फत मेकानिक्सको क्षमतावृद्धि सहित अन्य रचनात्मक कार्यहरु गर्दै आएको छ ।
