पोखरा,
नेपाल कम्युनिस्ट पार्टी माओवादी केन्द्र अन्तर्गत पर्वत–पोखरा सम्पर्क समन्वय समितिको पहिलो सम्मेलन आज पोखरामा सम्पन्न भएको छ। कार्यक्रममा पार्टीका विभिन्न तहका नेतृत्व, कार्यकर्ता, बुद्धिजीवी, युवाहरूको उल्लेखनीय सहभागिता रहेको थियो। सम्मेलनको उद्देश्य पार्टी संगठनलाई मजबुत बनाउने, जनसम्पर्क विस्तार गर्ने, र स्थानीयस्तरमा विकास, समावेशिता र सामाजिक समानताका एजेन्डाहरूलाई अगाडि बढाउने रहेको थियो।
संगठन सुदृढीकरणमा सम्पर्क समितिको भूमिका कार्यक्रममा सहभागीहरूलाई सम्मानपत्र, स्मृति चिन्ह र सांस्कृतिक झल्को सहित स्वागत गरिएको थियो। आयोजकहरूले कार्यक्रमलाई सङ्गठित, मर्यादित र उद्देश्यपूर्ण बनाउँदै सकरात्मक सन्देश प्रवाह गरेका थिए । पर्वत–पोखरा सम्पर्क समन्वय समितिको पहिलो सम्मेलनले संगठन सुदृढीकरण र जनसम्पर्क विस्तारमा नयाँ उत्साह ल्याएको छ। कार्यक्रमले सकारात्मक सन्देश दिँदै राजनीति र सामाजिक सेवाको सन्तुलन कायम गर्ने दिशामा सशक्त पाइला चालेको छ। शनिबार सम्पन्न कार्यक्रमा नयाँ समिति चयन गरिएको छ ।
अध्यक्षमा धर्मलाल लामिछाने कुस्मा,उपाध्यक्षमा इन्द नेपाली,राज, न्यौपाने, अमर गिरि सचिब दीपक आचार्य,कोषाध्यक्ष अर्जुन हिताङ, सदस्यहरुमा क्रमश गोविन्द तिवारी,कृष्णराज पौडेल,जौमाया हिताङ, प्रेम क्षेत्री, रामबहादुर बिक, अनिरुद्र पौडेल,उत्सव भुसाल,पार्वती क्षेत्री,प्रकाश बिक,प्रदिप सुबेदी निर्वाचित भएका छन् ।
