पोखरा, चैत १५,
पोखरामा सम्पन्न ‘चिया र गफ–सुपर कप टि–२० क्रिकेट प्रतियोगिताको उपाधि न्यूरोड हबले जितेको छ । पोखरा महानगरपालिका शिक्षा महाशाखाको सहयोग तथा पोखरा महानगरपालिका क्रिकेट संघको आयोजना र व्यवस्थापनमा शुक्रबार सम्पन्न प्रतियोगितामा ४ अंक जोडेको न्यूरोड हब प्रतियोगिताको च्याम्पीयन बनेको हो । न्यूरोड हबले पहिलो दिन लेखनाथ ईगल्सलाई ७ विकेट र अन्तिम दिन लेकसाईड फाल्कोनलाई ३ विकेटले पराजित गरेको थियो ।
समान खेलमा लेखनाथ ईगल्सले एक खेल जितेर २ अंक बटुल्दै दोश्रो हुँदा लेकसाईड फाल्कोन जितिविहीन् बन्दै अंक तालिकाको पुछारमा चित्त बुझाउन बाध्य भयो । शुक्रबार भएको अन्तिम खेलमा न्यूरोड हबले लेकसाईड फाल्कोनलाई ३ विकेटले पराजित ग¥यो । टस जितेर ब्याटिङ रोजेको लेकसाईड फाल्कोनले १८.३ ओभरमा ९ विकेट गुमाएर १२७ रन बनायो । लेकसाईड फाल्कोनका लागि हरिशंकरले २० बलमा २३ रनको योगदान दिए । लेकसाईडलाई कम रनमा समेट्न रोहन चौधरीले ४ ओभरमा १५ रन खर्चेर ५ विकेट तथा प्रमोद बास्तोलाले ४ ओभरमै ३० रन खर्चेर ३ विकेट हत्याए ।
१२८ रनको लक्ष्य पछ्याएर जवाफी ब्याटिङमा उत्रिएको न्यूरोड हबले १८.१ ओभरमा ७ विकेट गुमाउँदै लक्ष्य पूरा ग¥यो । न्यूरोड हबका लागि प्रमोद बास्तोलाले ३३ बलमा ४० रन र कविन सापकोटाले २७ बलमा २९ रनको योगदान दिए । न्यूरोड हबका अनिष रावतले ३ ओभरमा ११ रन खर्चेर ३ विकेट लिएपनि हार टार्न सकेनन् ।
शुक्रबारको प्लेयर अफ दी म्याच रोहन चौधरी बने । प्रतियोगिताको प्लेयर अफ दी सिरिज भने प्रमोद बास्तोला बने ।
बिजयीहरुलाई पोखरा महानगरपालिका क्रिकेट संघका अध्यक्ष बिरेन्द्र पुनलगायतले पुरस्कार वितरण गरेका थिए ।
