दीननाथ बराल,
पोखरा १४, फागुन,
पोखराको चर्चीत पर्यटकीय एवं धार्मिक तिर्थ स्थल पुम्दीकोट बिशाल महादेवको मुर्ति (भुमेश्वर महादेव) मा आज महाशिवरात्री पर्वको अवसरमा विहानै देखि अत्याधिक भिड भएको छ । पुम्दीकोटमा जारी महायज्ञ समेत रहेकोले दर्शनार्थीको अत्याधिक भिड भएकोले सडक नै जाम भएको छ ।
पोखराको पुम्दीकोटमा रहेको बिशाल महादेवको मुर्तिसंगै एक सय ८ शिव लिङमा दुध चढाउने र दर्शन सहित यहायज्ञमा सहभागि हुन आज बिहानै देखि दर्शनार्थीहरुको अत्याधिक भिड भएको पुम्दीकोट कोट विकास समितिका अध्यक्ष चन्द्रकान्त बरालले बताउनु भयो ।
यसैबिच, पोखरा क्षेत्रका शिवालय मन्दिरहरुमा दर्शन गर्नेहरुको भिडभाड भएको छ ।
तष्विर संजय शाक्य
