पोखरा १, पुष,
राष्ट्रिय स्वतन्त्र पार्टी (रास्वपा) सभापति एवं गोर्खा मिडियाकै पूर्व प्रबन्ध निर्देशक रवि लामिछाने सहित ५१ जनालाई प्रतिवादी बनाएर कास्की प्रहरीले सरकारी वकिलको कार्यालयमा प्रतिवेदन बुझाएको छ । पोखराको सूर्यदर्शन सहकारी ठगी प्रकरणमा आरोपितहरु संगको बयान र सोधपुछ एवं अध्ययन अनुसन्धान गरेको कास्की प्रहरीले ८४ दिनपछि सोमबार सरकारी वकिलको कार्यालयमा प्रतिवेदन बुझाइएको कास्कीका प्रहरी प्रवक्ता डिएसपी बसन्तकुमार शर्माले बताउनु भयो ।
सहकारी ठगी आरोपमा पक्राउ पर्नु भएको लामिछाने सहितका अन्यलाई सम्पत्ति सुद्धिकरण, सहकारी गठी, संगठित अपराध सम्बन्धि कसुरमा अनुसन्धान प्रतिवेदन बुझाइएको उहाँले जनाउनु भयो । पोखराको सूर्य दर्शन बचत तथा ऋण सहकारी संस्थाको ठगी सम्बन्धि मुद्धामा ६५ जनालाई प्रतिवादी बनाउन कास्की प्रहरीले राय दिएको हों ।
आरोपित ६५ जनालाई प्रतिवादी बनाउनुपर्ने राय सहित सोमबार जिल्ला सरकारी वकीलको कार्यालयमा प्रतिवेदन बुझाएको डिएसपी शर्माले जनाउनु भयो । उहाँहरु मध्य हालसम्म १४ जनाको परिचय खुलेको अन्यको अनुसन्धान र खोजि कार्य भइ रहेको उहाँको भनाई थियो । प्रहरीले ती प्रतिवादी बिरुद्ध १ अर्ब ५१ करोड ४० लाख १९ हजार १९४ रुपैयाँ बिगो माग दाबी गर्न पनि राय पेश गरेको छ ।
प्रतिवेदन अध्ययनका लागि थप समय आवश्यक पर्ने भएकाले रास्वपा सभापती तथा पूर्व गृहमन्त्री रबि लामिछानेलाई मंगलबार अदालतमा उपस्थित गराई म्याद थपका लागि माग गर्ने सम्भावना समेत रहेको श्रोतको भनाई छ । गत असोज ६ गते प्रहरीले रबि र जिवीका पार्टनर पूर्व डिआईजी छविलाल जोशीलाई पक्राउ गरेको थियो भने रविलाई कार्तिक २ गते पक्राउ गरेको थियो ।
संसदीय छानविन समितिले सहकारी ठगी प्रकरणमा रवि लामिछाने लगायतलाई कारवाही गर्न सिफारिस गरेसंगै रबिलाई पक्राउ गरिएपनि छविलाई पक्राउ गरेकै मितिले ९० दिन भित्रमा अभियोजन गरिसक्नुपर्ने भएकाले पुस ५ गतेभित्र त्यसबारे सरकारी वकीलको कार्यालय टुंगो लगाउनु पर्ने हुन्छ । मुद्धाका आधारमा तथ्य हेरेर न्यायाधीसले रबि लामिछाने, छवीलाल जोशीलगायतलाई पुर्पक्षका लागि कारागार पठाउने वा धरौटीमा रिहा गर्न आदेश दिने त्यसको बारेमा केही दिनमा टुंगो लाग्ने भएको छ ।
रविलाई अनुसन्धानको क्रममा रुपन्देही, चितवन, काठमाडौं र पर्सामा समेत पक्राउ पुर्जी जारी भई अनुसन्धान भई रहेको प्रहरीले जनाएको छ । सूर्यदर्शन सहकारीबाट करिब डेढ अर्ब रकम हिनामिना गरेको आरोपमा प्रहरीले गत साल भदौ २४ गते १९ जनाविरुद्ध पक्राउ पुर्जी जारी गरेको थियो । त्यही अभियोगमा उपाध्यक्ष कैलाशकुमार दर्लामी, कोषाध्यक्ष कुमार रम्तेल, पूर्व सञ्चालक महेन्द्र भोटे, भविश्वर अर्याल, पूर्व सञ्चालक समिति सदस्य प्रमोद भट्टराई पुर्पक्षका लागि थुनामै रहनु भएको छ ।
सूर्यदर्शन सहकारीबाट गोर्खा मिडियामा ५ करोड रुपैयाँ गएको प्रहरीले जनाएको छ । सूर्यदर्शन सहकारी ठगीमा आफ्नो संलग्नता नरहेको र आफूलाई राजनीतिक प्रतिशोधका कारण अनावश्यक दुःख दिने अहिलेसम्म म्याद थपको बहसमा रविले बयान दिदै आएको बताइन्छ । रास्वपाले मानवअधिकार चोकमा हरेक दिन बिरोध कार्यक्रम गर्दै आएको छ ।
