पोखरा २०, भदौ,
पोखरा महानगरपालिका वडा नं १५ ले महिलाहरुको महान पर्व हरितालिका तिज पर्वको अवसरमा हालै आयोजना गरेको तिज गित प्रतियोगितामा माछापुच्छ्रे« चौतारी आमा समूह प्रथम भएको छ । प्रतियोगितामा चेतना कृषि महिला समूह दोस्रो र जन जाग्रिती आमा समूह तेश्रो स्थान हासिल गरेको छ । विजेताले क्रमशः २० हजार, १३ हजार ४ सय, ९ हजार ४ सय र शान्त्वना भएका दुई कोलपाटन आमा समुह र स्यानिपाटन आमा समूहले समान ४ हजार नगद र प्रमाणपत्र हात गरे ।
प्रतियोगितामा वडाका २२ आमा समूहले सहभागिता जनाएको पोखरा १५ का वडा अध्यक्ष तोरण बहादुर बाँनियाले जनाउनु भयो । प्रतियोगिताको निर्णायकहरूमा वडा नं १५ निवासी लोकप्रिय गायिका माया गुरुङ, सिता केसी, सिता देवी दुरा, बुद्धिमान दुरा (धम्पु) रहनु भएको थियो ।
उक्त कार्यक्रमको उद्घाटन भने गण्डकी प्रदेश प्रहरी प्रमुख (डिआइजी) दुर्गा सिंह चन्दले गर्दै सकारात्मक विचारको बीजारोपण गर्न सके मात्र व्यक्ति स्वस्थ हुने बताउनु भयो । महिला दिदी बहिनीहरूको महान् चाड तीज पर्वले दाजुभाइहरूलाई पनि जोड्न सक्नुपर्ने उहाँको भनाई थियो ।
