पोखरा ६, भदौं,
पोखराको जेठो सामाजिक संस्था पोखरा उद्योग बाणिज्य संघको ३५ औं अधिवेशनमा गोकर्ण कार्कीले अध्यक्षमा उमेदवारी दिने घोषणा गरेका छन्। संघको बरिष्ठ उपाध्यक्ष रहेका कार्कीले यही भदौ २८ र २९ गते पोखरामा हुने संघको महाधिवेशनमा आफु अध्यक्षमा उमेदवारी दिने बिहिबार पोखरामा आयोजित पत्रकार भेटघाट कार्यक्रममा जानकारी गराइएको हो ।
ससैलाई व्यवसायीहरुलाई समेटेर अघि बढ्ने बताउदै अध्यक्षका दाबेदार कार्कीले कसैलाई पाखा, कसैलाई काखा नगर्ने, आमव्यवसायी आफ्नो शक्ति रहेको दाबी गर्दै प्यानल बिनै आफु अध्यक्षमा उम्मेदवारी दिने जनाए । वरिष्ठ उपाध्यक्ष भएको नाताले आफ्नो उमेद्वारी स्वभाविक भएको प्रतिकृया दिदै उनले सहकार्यका लागि सबै ढोकाहरु खुलै राखेको कार्कीले बताए । २०५५ सालमा संघको साधारण सदस्यबाट संघमा प्रबेश गरेका उनी २०७३ सालमा स्वतन्त्र रुपमा लडेर उपाध्यक्ष (उद्योग तर्फ) निर्वाचित भएका थिए ।
यसैबिच, केही दिन अघि अर्जुन पोखरेलले अध्यक्षको उमेद्वारी घोषणा गरिसकेका छन् । अर्जुनले पदाधिकारी सहित उमेद्वारी घोषणा गरेका थिए । पोखरेलसंग हालका पदाधिकारीमा रहेका अधिकांश व्यक्तिहरुलाई आफ्नो प्यानलमा समेटेका छन् ।
पोखरेलको नेतृत्वमा बरिष्ठ उपाध्यक्षमा उत्तममान बुद्दाचार्य, उपाध्यक्ष बाणिज्य) तर्फः बलराम आचार्य, उपाध्यक्ष (उद्योग) तर्फ दिनेश वाँस्तोला, महासचिवमा शोभा गौत्तम, उप महासचिबमा बालकृष्ण कोइराला, कोषाध्यक्षमा मनोजकुमार श्रेष्ठले उमेदवारी दिनुहुने भएका छन्।
