दीननाथ बराल,
पोखरा २१, असार,
प्रदेश खेलकुद परिषद गण्डकीको आयोजनामा शनिबार (भोलि) पोखरामा प्रदेश स्तरीय शारीरिक सुगठन प्रतियोगिता २०८१ एवं मिस्टर गण्डकी च्याम्पियन हुने भएको छ । पोखरा १२ मा रहेको एस.आर. के.सी.बेन्क्वेटमा विभिन्न ५ वटा तौल समुहमा प्रतिष्प्रर्धा हुने भएको प्रतियोगिताका संयोजक खगेन्द्र क्षत्रीले बताए ।
प्रतियोगितामा ५५, ६०, ६५, ७० र ७० तौल समुह माथिको विधामा प्रतिष्प्रर्धा हुने भएको उनले जनाए । ५ विधाका विजेताहरु बिच प्रतिष्प्रर्धा भई ए जना बिजेता भने मिस्टर गण्डकीको उपाधि सहित २५ हजार पुरस्कार प्राप्त गर्ने भएको छ । अन्य विधाका खेलाडीहरुले विजेताले १५ हजार, उपविजेताले १० हजार र तेश्रो हुनेले भने ७ हजार साथमा ट्रफी, मेडल र प्रमाण पत्र प्राप्त गर्ने भएका हुन् । उक्त प्रतियोगिता दशौं राष्ट्रिय खेलकुदको लागि प्रारम्भिक छनौट प्रतियोगिता समेत रहेको परिषदले जनाएको छ ।
