पोखरा २६, जेठ,
पोखरामा पौडी खेल्ने क्रममा पर्वतका एक युवाको ज्यान गएको छ । पोखरा महानगरपालिका–१७ छोरेपाटन भोटेक्याम्प नजिकै फुस्रे खोलामा पौडी खेल्ने क्रममा डुबेर बेपत्ता हुनु भएको पर्वत, कुश्मा नगरपालिका १३ का २८ बर्षीय बिश्वास सुवेदीको आव शव भेटिएको कास्की प्रहरीले जनाएको छ ।
पौडी खेल्ने क्रममा डुबेर बेपत्ता भएको खवर प्राप्त हुनासाथ सशस्त्र प्रहरी बल नेपाल नं. २४ कालिका गण हेड क्वाटर कास्की सहित नेपाल प्रहरी र स्थानियको सहायताबाट शव निकालिएको हो । फुस्रे खोलाको २५ फिट गहिराईमा उक्त शव अड्किएर बसेको अवस्थामा शवलाई निकालिएको कालिका गणका गणपति एसपी अरुण कुमार शर्माले बताउनु भयो । पोष्टमार्टमको लागि शव पोखरा स्वास्थ्य विज्ञान प्रतिष्ठानमा लगिएको छ ।
पोखराको फुर्सेखोला, वोक्सी रह, दोविल्ला लगायका क्षेत्रमा पौडी खेल्दा बालबालिका देखि युवाहरुको ज्यान जाने गरेको छ ।
