पोखरा २०, पुष
प्रादेशिक क्रिकेट संघ गण्डकीको आयोजनामा पोखरा रंगशालामा जारी गण्डकी प्रदेश स्तरिय पिएम कप क्रिकेट छनौटमा बागलुङ माथि स्याङजाले सहज जित हासिल गरेको छ । शुक्रबारको खेलमा स्याङजाले बागलुङ माथि १ सय ४१ को बिशाल रनको अन्तरले पराजित गर्दै सहज जित हासिल गरेको हो ।
टस जितेर व्याटिङ गरेको स्याङजाले निर्धारित ५० ओभरमा ८ विकेट गुमाउँदै ३४४ बिशाल रनको योगफल तयार पार्यो । ३ सय ४५ रनको लक्ष्य पाएको बागलुङले ५० ओभर मा ८ विकेटको क्षतीमा २ सय ३ रनमै समेटियो । श्ुाक्रबारको खेलमा नायक भएका स्याङजाका इश्वर क्षेत्रीले १४४ रन जोड्न सफल भए । शुक्रबारको खेलमा १० छक्का प्रहार गरेका उनी म्यान अफ दी म्याच समेत घोषित भए ।
पोखरामा जारी प्रतियोगितामा बागलुङ विहिबारको खेलमा कास्कीसंग पराजित भएको थियो । समुह ‘ए’ रहेको बागलुङ लगातार दुई खेलमा हार व्यहोरेसंगै प्रतियोगिताबाट बाहिरिएको हो । स्याङजाका अश्विन रानाले ४३ रन, सन्दिप खत्री क्षेत्रीले ३२ र करन पंगेनीले २८ रनको योगदान दिए । त्यस्तै, बागलुङका लागि अर्जुन रायमाझीले ७० रनको योगदान दिंदा दिपेश कुवंरले ५४ रनको योगदान दिए, तुलसीराम भण्डारीले ३ विकेट लिए । बागलुङका लागि अंकित अर्जुन रायमाझीले ३० रन जोड्दै ३ विकेट लिए भने अंकित न्यौपानेले २९ रन जोड्दै २ विकेट लिए । खेलको म्यान अफ दि म्याच भएका इश्वरलाई प्रदेश खेलकुद परिषद गण्डकीका उपाध्यक्ष धोज कुमार गुरुङले मेडल प्रदान गरेका थिए ।
यसैबिच, शनिबार घरेलु टिम कास्की बिरुद्ध स्याङजा बिच खेल हुने भएको संघ प्रदेशका अध्यक्ष संजयकान्त सिग्देलले पोखराक्लिकलाई बताए ।
