दीननाथ बराल
पोखरा २९, मंसिर
पर्यटन प्रबद्र्धन गर्न महेन्द्रनगरसम्म ६ दिने जाऊँ है पोखरा अभियान सुरु गरिएको छ । होटल सङ्घ पोखरा नेपालले आजदेखि ६ दिने ‘जाऔं है पोखरा अभियान’ शुरु गरेको संघका अध्यक्ष लक्ष्मण सुवेदीले बताउनु भयो ।
पोखराबाट आज एक टोली पोखराको लेकसाइडबाट सिद्धार्थराजमार्ग हुदै भैरहवा प्रस्थान गरेको उहाँले बताउनु भयो । त्यसै गरी टोली नेपालगन्ज, धनगढी हुदैं महेन्द्रनगरसम्म जाने भएको अध्यक्ष सुवेदीले बताउनु भयो ।
कोभिड–१९ को महामारी र आर्थिक मन्दिले सुस्ताएको पर्यटन क्षेत्रको आन्तरिक पर्यटन प्रवर्धन गर्न सङ्घले मंसिर २९ देखि पुष ४ गतेसम्म ६ दिने उक्त कार्यक्रम आयोजना गरिएको सङ्घका अध्यक्ष सुवेदीले बताउनु भयो । पोखरा पर्यटन परिषदका अध्यक्ष पोमनारायण श्रेष्ठले पोखरामा पछिल्लो समयमा पर्यटन आगमनमा केही बृद्वी भएको बताउदै यस्ता कार्यक्रमले पर्यटन प्रबर्द्धनमा थप टेवा पुग्ने विश्वास व्यक्त गर्नु भयो ।
अभियानमा अन्र्तगत ती स्थानमा पत्रकार सम्मेलन, प्रदेशस्तरीय, स्थानीय सरकारी तथा गैरसरकारी र पर्यटन व्यवसायी लगायतका सरोकार पक्षसँग अन्तरक्रिया गरिने महासचिव राजेन्द्र ढकालले बताउनु भयो । टोलीमा संघका पदाधिकारी सहित पर्यटन व्यावसायि र पत्रकारको सहभागी रहेको छ ।
