पोखरा १४, मंसिर
नेपाल खेलकुद महासंघको १५ औं स्थापना दिवसको अवसरमा महासंघ गण्डकी प्रदेश कमिटि र नेपाल खेलकुद पत्रकार मञ्च (एनएसजेएफ) गण्डकीसंग मैत्रिपूर्ण फुटसल प्रतियोगिता सम्पन्न भएको छ । पोखरा–१४, हबेली मार्ग स्थित न्यू एयरपोर्ट फुटसलमा विहिबार भएको मैत्रिपूर्ण फुटसल प्रतियोगितामा महासंघ गण्डकीले मञ्च गण्डकीलाई १०—६ को गोल अन्तरले पराजित गरी विजयी भएको हो ।
मञ्चका उपाध्यक्ष एवं खेल संयोजक सुरज श्रेष्ठको कप्तानीमा मैदानमा उत्र्रिएको मञ्चले सुरुवाती चरणमै २ गोलको सामना गरेको थियो भने महासंघको तर्फबाट महासचिव बिष्णु पुन सहितका खेलाडीहरुले उत्कृष्ट प्रर्दशन गर्नु भएको थियो । 
महासंघका केन्द्रिय महासचिव युवा नेता बिष्णु पुनले उक्त प्रतियोगिताको उद्घाटन गर्दै महासंघले यस बर्ष भरी नै पालिकाहरुमा विभिन्न खेलकुद प्रतियोगिता आयोजना गर्ने बताउनु भयो । त्यसै गरी उहाँले खेलाडीहरुको प्रोत्साहनको लागि फुटवल सहितका केही राष्ट्रिय स्तरका प्रतियोगिताहरु समेत गर्ने तयारी गरेको जनाउनु भयो । मञ्च गण्डकीका अध्यक्ष दीननाथ बरालले खेल गतिविधि हुनुले खेलाडी र खेलकुदको विकास हुने हुदा यस्ता प्रतियोगिता निरन्तर रुपमा आयोजना गर्नुपर्नेमा जोड दिनु भयो ।
पोखरालाई खेल पर्यटनको रुपमा विकास गर्न पोखरामा राष्ट्रिय अन्तराष्ट्रिय प्रतियोगिताहरु निरन्तर रुपमा हुनै पर्ने उहाँको भनाई थियो । “खेलकुदको विकासका लागि स्थानिय तहदेखि केन्द्रसम्म भौतिक पूर्वाधार, व्यवसायिक र प्रतिस्पर्धी खेलकुद गतिविधि हाम्रो आधार” भन्ने मुल नाराका साथ महासंघले विभिन्न कार्यक्रमको आयोजना गरी स्थापना दिवस मनाउने भएको महासंघ गण्डकीका कार्यबहाक अध्यक्ष दीपेन्द्र शर्माले बताउनु भयो । उक्त अवसरमा केक समेत काटिएको महासंघका शिव अधिकारीले बताउनु भयो ।
तष्विरः योगेन्द्र श्रेष्ठ
