तनहुँ १३, मंसिर
धरानबाट पोखरा आउदै गरेको यात्रुबाहक बस तनहुँमा दुर्घटना हुँदा दुई जनाको मृत्यु भएको छ । मृत्यु हुनेमा धनकुटाका २४ वर्षका हस्त राई र ठेगाना नखुलेका ५० वर्षका टोपबहादुर मगर रहेको प्रहरीले जनाएको छ । 
दुवै जनाको जिल्ला अस्पताल दमौलीमा उपचारका क्रममा मृत्यु भएको जिल्ला प्रहरी कार्यालय तनहुँका प्रहरी निरीक्षक दिलिप कुमार हुमागाइँले बताए । उक्त दुर्घटनामा परी गम्भीर घाइते ९ जनालाई थप उपचारका लागि पोखराको मणिपाल शिक्षण अस्पतालमा रिफर गरिएको छ ।
धरानबाट पोखरा आउँदै गरेको ग१ख ७८९५ नम्बरको बस आज बिहान व्यास नगरपालिका वडा नं। १२ घाँसीकुवामा दुर्घटनामा परेको थियो । बस अनियन्त्रित भइ सडकबाट तल खसेको थियो । दुर्घटनामा ३४ जना घाइते भएकामा केहीको जिल्ला अस्पताल र केहीको रत्नहरि अस्पतालमा उपचार भइरहेको प्रहरी निरीक्षक हुमागाइँले एटुजेडलाई जनाए ।
