पोखरा, १८ कात्तिक
सहारा क्लब युकेका संस्थापक अध्यक्ष नवीन गुरुङसहितको टोलीले सहारा एकेडेमीको भ्रमण गरेको छ । बिहीबार पोखरा–१७, दोबिल्लास्थित सहारा एकेडेमीको अवलोकन गर्दै टोली केही थान फुटबल बल र स्टेसनरी सामग्री सहयोग गरेको छ ।
सहारा क्लब पोखराका मानार्थ सदस्यसमेत रहेका सहारा क्लब युकेका संस्थापक अध्यक्ष नवीन गुरुङले सहाराको गतिविधिको प्रशंसा गर्दै सहयोग निरन्तर रहने बताए । सहरा क्लब पोखराका नवनिर्वाचित अध्यक्ष केशवराज बरालको अध्यक्षतामा भएको कार्यक्रममा पूर्व अध्यक्षहरु विक्रम थकाली, वीरभद्र आचार्य, हरिराम गुरुङ ९सुरज० लगायतले बोलेका थिए । नवीन गुरुङसहित विदेश नागरिक म्याडलिन स्ल्याबेट, अलेक्जेण्डर गिल, म्यारिन गिल र कारमेन लगायतले एकेडेमी भ्रमण गरेका हुन् । सहारा क्लबले कठिन तथा विपन्न वर्गका बालकहरुको लागि निःशुल्क शिक्षादीक्षासहित फुटबल सिकाउने गरेको छ ।
