मुगु १०, कार्तिक
मुगुको एक गाँउमा एकै परिवारका ४ जनाको रहस्यमय ढंगबाट हत्या भएको छ । आमा सहित दुई छोरा र एक छोरीको प्रारम्भिक अनुसन्धानका आधारमा घाँटी रेटेर हत्या भएको हुन सक्ने प्रहरीले जनाएको छ ।
छाँयानाथ रारा नगरपालिका वडा न ६ मन्दु गाउँकी २६ वर्षिया श्रीदेवि बोहोरा र उनका ११ वर्षिय छोरा मनोज बोहोरा, एक वर्षका छोरा रहर बोहोरा र ७ वर्षिया छोरी अप्सरा बोहोराको हत्या भएको जिल्ला प्रशासन कार्यालय मुगुका प्रमुख जिल्ला अधिकारी मोहन बाबु थापाले एटुजेडलाई बताउनु भयो । एकै परिवारका आमा सहित ४ जनाको हत्या गरी बाहिरबाट साँचो लगायर हत्यारा फरार भएको हुन सक्ने उहाँले बताउनु भयो । घटनामा संलग्न भएको व्यक्तिको प्रभावकारी खोजीको लागि सुर्खेतबाल तालिम प्राप्त कुकुर ल्याउदै गरेको प्रजिअ थापाले बताउनु भयो ।
शुक्रवार विहान कबिर १०ः०० बजे खबर पाउना साथ प्रहरी घटना स्थलमा पुगेको थियो । मृतक आमा श्रीदेवि बोहोरा छोरा छोरी सहित ७ गते विहान दशै टीका थाप्न सोही वडामा रहेको माइती गाउँ कोटिल्ला गएको बताइन्छ । ८ गते वेलुका घर फर्केका उहाँहरुको सोही राती हत्या भएको हुन सक्ने स्थानियले संका गर्नु भएको छ । बिहिबार बिहान खेत वारीमा गएको होलान भन्ने शंकामा स्थानियले वास्ता नगरे पनि घरमा ताला लगाएको देखेपछि गाउलेहरुले फेरि माइती जानु भएको रैछकी भन्ने शंकामा फोना गर्दा ८ गते नै फर्केको जानकारी दिएपछि गाउलेहरुले शुक्रबार विहान १० बजे तिर ढोकाको ताला तोडि भित्र हेदा चारै जना मृत अवस्थामा फेला परेका थिए ।
मृतकमा श्रीमान बैदेशिक रोजगारीमा हाल कतारमा भएको स्थानियले एटुजेडलाई बताउनु भयो । उक्त घटनामा संलग्न जो कोही ढिलो चाँडो कानूनी कठघरामा ल्याई छाड्ने प्रनाउ विरेन्द्र थापाले बताउनुभयो । उक्त शवहरुको पोष्ट मार्टमका लागि जिल्ला अस्पताल मुगुमा राखिएको छ ।
