पोखरा १६, असोज
यस बर्षको विजयादशमीको उत्तम साइत आउदो कात्तिक ७ गते बिहान ११ः०२ बजे रहेको छ । नेपाल पञ्चाङ्ग निर्णायक विकास समितिले यस वर्षको दसैँको उक्त साइत मंगलबार सार्वजनिक गरेको हो ।
यस वर्षको बडादसैँ अर्थात् दुर्गा पक्षको सुरुआत भने असोज २८ गते आइतबार हुनेछ । जसलाई नवरात्रारम्भ पनि भनिन्छ । त्यस दिन बिहान ११ः२९ बजे घटस्थापना गर्ने साइत रहेको समितिका कार्यकारी निर्देशक सूर्यप्रसाद ढुङ्गेलले बताउनु भयो ।
