बेगनास तालमा एक युवा मृत अबस्थामा भेटिए

पोखरा १६, असोज

पोखराको बेगनास तालमा एक युवा मृत अबस्थामा भेटिएका छन् । पोखरा महानगरपालिका वडा नं.३१ अलैची कुना स्थित बेगनास तालमा तैरियको अवस्थामा एक पुरुष युवाको शव प्रहरीले फेला पारेको हो ।

ईलाका प्रहरी कार्यालय शिशुवाबाट खटिएको ७ जनाको टोलीले उक्त शव तालबाट बाहिर निकालेको कास्की प्रहरीले जनाएको छ ।
तालमा भेटिका व्यक्तिले बोकेको कालो झोला भित्र रहेको नागरिकता अनुसार जिल्ला प्युठान मलरानी गा.पा. वडा नं.४ बस्ने २२ को अनिस श्रेष्ठ रहेको प्रहरीले जनाएको छ ।

उक्त घटनाको बिषयमा अनुसन्धान भई रहेको कास्कीका डिएसपी श्रवण कुमार बि.क.ले बताए । उक्त शव पोखरा स्वास्थ्य विज्ञान प्रतिष्ठान( पश्चिम क्षेत्रीय अस्पताल) मा राखिएको छ ।