दीननाथ बराल,
पोखरा, २१ असोज,
वेलायतबाट साइकल यात्रामा निस्किएको एक जोडी सात महिना सात दिनमा २० देश पार गर्दै करिब १४ हजार किलोमिटरको दूरी पूरा गरी पोखरा आइपुगेका छन् । ५१ वर्षीय थोस्टर ब्रुस र उनकी श्रीमती डा.एमा ब्रुस मंगलबार पोखरा प्रवेश गरेका हुन् ।
उनीहरूलाई पोखरा लेकसाइडमा रेनबो चिल्ड्रेन होम, नमुना आमा समूह, पर्यटन व्यवसायी तथा स्थानीय बासिन्दाले फूलमाला अर्पण गर्दै स्वागत गरेका थिए । स्वागत कार्यक्रममा चिल्ड्रेन होमकी सञ्चालक गोमा ढकाल, पर्यटन व्यवसायी अग्नि कँडेललगायतले सम्मान गरेका थिए । नेपाल यसअघि दुईपटक आइसकेका ब्रुस दम्पती यसपटक विशेष साइकल यात्रासहित तेस्रो पटक नेपाल आएका हुन् । नेपाल प्रकृति, संस्कृति र यहाँको आतिथ्य सत्कारले आफूहरूलाई आकर्षित गर्ने गरेको ब्रुसले बताएका छन् । यसै सम्बन्धि भिडियो सामाग्रि ।
