पोखरा,
पर्वतारोहण सञ्चालक संघ नेपालका अध्यक्ष अध्यक्ष डम्बर पराजुलीको नेतृत्वले नेपाल सरकारका संस्कृति, पर्यटन तथा नागरिक उड्डयन नवनियुक्त मन्त्री खड्कराज पौडेल (गनेस) समक्ष भेटघाट तथा बधाई ज्ञापन गर्नु भएको छ ।
भेटका क्रममा नेपालको पर्यटन क्षेत्र, विशेषगरी पर्वतीय पर्यटनको विकास, प्रवर्द्धन र व्यवस्थापनमा मन्त्री पौडेलको नेतृत्व प्रभावकारी र राष्ट्रहितमा केन्द्रित रहने विश्वास व्यक्त गरिएको थियो। साथै, आवश्यक नीति निर्माण, सुधार र कार्यान्वयनमा संस्थाको तर्फबाट पूर्ण सहयोग रहने प्रतिबद्धता समेत जनाइएको महासचिव ऋषिराम भण्डारी ले जानकारी दिनुभयो। राज्यका निकायहरू सबल र सहजीकरण हुँदा मात्र नागरिक लाभान्वित हुने र देश सुदृढ बन्ने उल्लेख गर्दै मन्त्रीका आगामी कदमहरू त्यसतर्फ केन्द्रित हुने विश्वास व्यक्त गरिएको छ ।
