दीननाथ बराल,
पोखरा ३०, भदौं,
जेनजी आन्दोलनको क्रममा आगजनीबाट डकुमेन्ट सहित कार्यालय जलेको यातायात व्यबस्था कार्यालय कास्कीले एक हप्ता भित्र सेवा संचालन गर्र्ने तयारी गरेको छ । कार्यालय व्यबस्थापन गरी एक हप्तामा पुनः संचालनमा ल्याउने तयारी भएको कार्यालय प्रमुख ढाकाप्रसाद शर्माले पाखराक्लिकलाई बताउनु भयो ।
दैनिक ५ सय जना सेवाग्राही आउने उक्त कार्यालयमा आवश्यक पर्ने केही सामाग्रिहरु पनि हाल नभएको अबस्थामा अस्थायी कार्यालय बाहिरको क्यान्टिन सहितको टहराबाट सेवा सुरु गर्ने तयारी गरिएको उहाँले उल्लेख गर्नुभयो । सोमबार कार्यालयका कर्मचारी सहित स्थानियको सहयोगमा कार्यालयमा सरसफाई गरिएको छ ।
कार्यालयमा के कति क्षति पुगेको छ त्यसको विवरण संकलन कार्य समेत जारी रहेको प्रमुख शर्माले जनाउनु भयो । त्यसै गरी यातायात व्यबस्था कार्यालय लाइसेन्स शाखामा भने कर्मचारीहरु के गर्ने के नगर्ने अन्योलको अबस्थामा रहनु भएको छ । जेनजी आन्दोलनको क्रममा जलेको भवन तथा कार्यालयबाट केही डकुमेन्ट संकलन गरिएको छ भने मुचुल्का गरे पछि मात्र सरसफाई गर्ने भएको एक कर्मचारीले बताउनु भयो ।
यातायात व्यबस्था कार्यालय लाइसेन्स शाखाका कर्मचारी भने अन्यौलमा पर्नु भएको छ । आगजनीबाट कार्यालय भित्र खरानी र फलम तथा सिसाका टुक्राहरु बाहिरबाट हेर्दा कार्यालय नै कालो झ्याल र ढोका जलेको अबस्थामा रहेको दृश्य हेरेर कर्मचारीहरुले सोमबार केही डकुमेन्ट मात्र संकलन गरेर फर्किएका छन् । मुचुल्का गरेर मात्र सरसफाई गरी सेवालाई के कसरी संचालन गर्ने मन्त्रालयको निर्देशन पर्खेर आफुहरु सोमबार दिनभर जसो कार्यालय परिसरमा विताएर फर्किएको एक कर्मचारीले बताउनु भयो ।
