दीननाथ बराल,
पोखरा १९, भदौं,
पोखराका होटल तथा रेष्टुरेण्टहरुलाई कानूनि मापदण्ड पालना गर्न विहिबार पोखरामा आयोजना भएको एक कार्यक्रमका वक्ताहरुले बताउनु भएको छ । रेष्टुरेण्ट एण्ड वार एशोसियसन(रेवान) पोखराको ३१ औं बार्षिक साधारण सभाको विहिबार पोखरामा भएको उद्घाटन सत्रमा वोल्ने वक्ताहरुले पोखराका केही होटल तथा रेष्टुरेण्टहरुमा कम उमेरका बालबालिकाहरु काममा लगाउने र न्यूनतम पारिश्रम समेत नदिएको गुनासो आएकोले होटल तथा रेष्टुेण्टहरुलाई वक्ताहरुले कानूनि मापदण्ड पालना गर्न चेतावनी दिनु भएको हो ।
उक्त कार्यक्रमको उद्घाटन गर्दै पोखराका मेयर धनराज आचार्यले राज्यको नियम कानूनमा रहेर व्यवसाय गर्न व्यवसायीहरुलाई आग्रह गर्नुभयो । पोखरा भ्रमण बर्ष २०२५ हाल जारी रहेकोले पोखरामा हुने कुनै पनि खेल गतिविधि देखि मेला एवं महोत्सवलाई महानगरले प्रबद्र्धन गर्दै आएको उहाँले जनाउनु भयो । आफ्नो नेतृत्व र प्रदेश सरकारको समेत पहलमा पोखरालाई पर्यटनको राजधानि घोषणा भएकोले जनाउदै मेयर आचार्यले पोखरा क्षेत्रको प्रबद्र्धन गर्न यस बर्ष एक करोड बजेट विनियोजन गरिएको उल्लेख गर्नुभयो । गण्डकी प्रदेशका उद्योग तथा पर्यटन सचिव ईन्द्रप्रसाद बस्यालले प्रदेशको पर्यटन क्षेत्रको प्रबद्र्धन गर्न पर्यटन ऐन ल्याउने तयारि भएको बताउनु भयो । उक्त ऐनको हाल मस्यौदा ल्याएको उहाँले जनाउनु भयो ।
कास्कीका प्रमुख जिल्ला अधिकारी रूद्रादेवि शर्माले हामी सबै जना कानूनमा बाधिएको उल्लेख गर्दै प्रचलित कानुन पालना गर्न निर्देशन दिनुभयो । आवश्यक शान्ति सुरक्षा दिन तयार रहेको बताउदै उहाँले मापदण्ड पालना गर्न सबैमा उहाँले सुझाव दिनुभयो । पोखरामा बालिकाहरूमा केही समस्या देखा परेको सानै उमेरमा बिबाह गरेर विदेश लैजाने गरेको समस्या पोखरामा रहेको प्रजिअ शर्माले जनाउनु भयो ।
रेवानका निवर्तमान अध्यक्ष अरनिको राजभण्डारीले होटल तथा रेष्टुरेन्टले एमआरपि मुल्यमा पानी तथा पिय पदार्थ बिक्रि गर्न नसक्ने बताउनुभयो । सामाजिक सुरक्षा कोष सहित न्यूनतम पारिश्रम लागू गर्न नसक्ने त्यसको बर्गीकरण गर्न माग गर्नुभयो ।नेपाल पर्यटन बोर्ड गण्डकी प्रदेशका प्रमुख मणिराज लामिछानेले मासिक दुई÷तीन वटा कार्यक्रम गर्न लागीएको बताउदै पोखरामा पर्यटकको बसाई अबधि कम भएको जनाउनु भयो । पोखरामा पर्यटकको बसाई अवधि के कस्तो छ त त्यसको तथ्यांक संकलन गर्न आवश्यक भएको उहाँको भनाई थियो । पोखरा भ्रमण बर्ष २०२५ कार्यसम्पादन समितिका संयोजक गोपी बहादुर भट्टराईले पोखराको पर्यटन प्रबद्र्धन गर्र्ने विभिन्न कार्यक्रम गर्ने बताउनु भयो । देशकै धोजाबाहक जहाजबाट पोखरा र लुम्बिनीबाट अन्तर्राष्ट्रिय हवाई उडान संचालन गर्न उहाँले माग गर्नुभयो ।
पोखरा पर्यटन परिषदका अध्यक्ष तारानाथ पहारीले भिलेज पर्यटन प्रबद्र्धनमा समेत रेवानले काम गर्दै आएको बताउनु भयो । द्वितिय उपाध्यक्ष बिकास भट्टराईले पोखरा पर्वको शहर भएको बताउनुभयो । रेवान पोखराका अध्यक्ष विश्वराज पौडेलको अध्यक्षतामा सम्पन्न भएको कार्यक्रममा नेपालको पाँच तारे होटलका पहिलो जनरल म्यानेजरको रुपमा रहनु भएको किशोर पाण्डेलाई सम्मान गरिएको रेवान पोखराले पोखराक्लिकलाई जनाएको छ । उहाँले पर्यटन क्षेत्रमा पुर्याएको योगदानलाई रेवानले कदर गर्दै सम्मान गरेको महासचिव विरेन्द्र शेरचनले बताउनु भयो । उहाँ दुई खेल टेवल टेनिस र क्रिकेटका अन्तरास्ट्रिय खेलाडी समेत हुनुहुन्छ । ७८ बर्षीय पाण्डे हाल पनि सक्रिय हुनुहुन्छ ।
