दीननाथ बराल
पोखरा २०, मंसिर
पोखराको ऐतिहासिक तथा पुरानो बिद्यालय राष्ट्रिय माध्यमिक विद्यालयको स्थापनाको ७५ औं बर्ष गाँठ (हिरक महोत्सव) को बुधबार एक भव्य समारोहका बिच उद्घाटन गरिएको छ । गण्डकी प्रदेशका मुख्यमन्त्री सुरेन्द्रराज पाण्डेले उक्त हिरक जयन्तीको बुधबार उद्घाटन गर्दै नयाँ शिक्षा ऐन आउन ढिलाई हुदा प्रदेश सरकारले चाहेर पनि शिक्षामा धेरै सुधार गर्न नसकेको बताउनु भयो ।
संघिय सरकारले समयमै शिक्षा ऐन बनायर नपठाउदा प्रदेश सरकारले संघको कानूनसंज बाझिने त्रासले शिक्षामा केही सुधार गर्न चाहे पनि हाल नसकेको उहाँले बताउनु भयो । मुख्यमन्त्री पाण्डेले हाल हजारौं जना विदेश जाने नेपाली युवा शक्तियलाई यही रोक्ने गरी कृषि, पर्यटन, स्वरोजगार, उद्यमशिलता तर्फ आकषर्ण गर्नुपर्नेमा जोड दिनु भयो । नेपालको पुरानो शिक्षा नीति तथा पाठ्यक्रम पनि धेरै पुरानो भएको उहाँको भनाई थियो। 
पोखरा १ पुरानो टुँडिखेलमा रहेको बिद्यालयको हिरक महोत्सव उद्घाटनको अवसरमा उल्लेखनिय सहभागिता रहेको थियो । प्रभातफेरी कार्यक्रम विद्यालय स्थापना भएको पोखरा ३ नदिपुर स्थित नारायण स्थान मन्दिरबाट सुरु भएको प्रभातफेरी कार्यक्रमका संयोजक महेन्द्र श्रेष्ठले बताउनु भयो । नदिपुरबाट सुरु हुने प्रभाफेरीमा पञ्चे बाजा सगै सरस्वतीको झाँकी सगै विद्यार्थीहरु विभिन्न भेष भुषामा रहनु भएको उहाँले जनाउनु भयो । उक्त र्यालीको उद्घाटन पोखराका मेयर धनराज आचार्यले गर्नु भएको थियो । 
बिद्यालयमा हाल १ हजार ४ सय ३२ जना बिद्यार्थीहरु रहेको बिद्यालयका प्रधानाध्यापक ईश्वरी प्रसाद सापकोटाले बताउनु भयो । उक्त बिद्यालयसंग हाल करिब ७२ रोपनी जमिन भएकोले बर्षिक रुपमा राम्रो आम्दानी गर्ने गरेको छ । बिद्यालयले एक देखि दश कक्षासम्म अग्रेंजी माध्यमबाट निःशुल्क रुपमा पठन पाठन गराउदै आएको जनाएको छ ।
विद्यालयका जग्गदाता रत्नाखर पराजुली र पराजुली परिवार र विद्यालय स्थापना हुदा रहेका संचालक समितिका व्यक्तीहरुको फोटो समेत राखेको थियो । बिद्यालय व्यबस्थापन समितिका अध्यक्ष राम बिक्रम राणाको अध्यक्षतामा उक्त कार्यक्रमको उद्घाटन सत्र सम्पन्न भएको सुचना अधिकारी शिवभक्त देवकोटाले बताउनु भयो । 
