पोखरा ९, कार्तिक
पोखराको सहारा क्लवले संचालन गर्दै आएको आहा रारा पोखरा गोल्ड कप फुटवल प्रतियोगिता, सहारा फुटवल एकेडेमी लगायतको अभियानमा गैर आवासिय नेपाली संघ(एनआरएनए)ले सहयोग गर्ने भएको छ । हालै निर्वाचित भएका एनआरएनएका उपाध्यक्ष रोविन शेरचन सहितको टोलीले विहिबार सहारा एकेडेमीको अवलोकन गर्दै उक्त कुरा बताउनु भएको हो ।
जापानका प्रतिनिधिहरुले सहारालाई सक्दो सहयोग सहित आहा रारा पोखरा गोल्ड कपमा जापानको सहभागीता रहने प्रयत्न हुने विषयमा समेत जोड दिनु भएको थियो । विहिबार सहारा क्लब पोखरामा एनआरएनए आईसीसी उपाध्यक्ष रोविन शेरचन, एनआरएनए यूकेका अध्यक्ष हितकाजी गुरुङ , उपाध्यक्ष कमल गुरुङ , एनआरएनए कोरियाका अध्यक्ष बुद्धि गुरुङ , तमु धिं जापानका अध्यक्ष रमेशकुमार गुरुङ , बरिस्ठ कलाकार नमस्ते बेण्डका ईश्वर गुरुङ , पत्रकार मोहन घले लगायत तमु धिं युके, तमु धिं जापानका प्रतिनिधि , भलिबल संघ गण्डकीका पूर्व अध्यक्ष श्री गुरुङ लगायतका अतिथिहरुलाई आज सहारा एकेडेमी परिसरमा स्वागत गरिएको थियो । 
कार्यक्रम सहारा क्लबका अध्यक्ष केशवराज बरालको अध्यक्षता कार्यक्रम भएको हो । कर्यक्रममा रोविन शेरचन , हितकाजी गुरुङ ,मोहन घले लगायत सम्बोधन गर्नु भएको थियो भने कार्यक्रममा सहारा क्लब पोखराका संस्थापक अध्यक्ष वसन्त थकाली र एकेडेमी व्यवस्थापन समितिका पदाधिकारी तथा सदस्यहरुको उपस्थिति रहेको क्लवका बरिस्ठ उपाध्यक्ष एवम् एकेडेमी व्यवस्थापन समितिका संयोजक पूर्णबहादुर गुरुङले बताउनु भयो । सहारा एकेडेमीमा अझै केही वालकहरु थप गर्ने योजना रहेको सचिव टंक पौडेलले बताउनु भयो ।
