पोखरा २५, असोज
१९ वर्षमुनिका खेलाडीहरु सहभागि खेल एसिसी यू(१९ प्रिमियर कप क्रिकेट प्रतियोगिताको पहिलो खेलमा नेपालले इरान माथि शान्दार जित निकालेको छ । मलेसियाको बान्गीमा आज भएको खेलमा नेपालले इरानलाई २ सय ७४ रनको बिशाल अन्तरले पराजित गरेको हो । जितका लागि तीन सय ५४ रनको विशाल लक्ष्य पछ्याएको इरान ३० दशमलव पाँच ओभरमा सबै विकेट गुमाउँदै ७९ रनमा समेटिन पुगेको थियो । टस हारेर पहिले ब्याटिङ गरेको नेपालले ४० दशमलव एक ओभरमा सबै विकेट गुमाउँदै ३ सय ५३ रनको योगफल तयार पारेको थियो ।
तेस्रो नम्बर क्रिजमा आएका कप्तान देवले ५०औँ बल खेल्दै १२ चौका र चार छक्काको मद्दतमा १ सय रनको योगदान दिए । त्यस्तै दीपक बोहराले ५९ बलमा ६५ रन बनाउदा उनले चार चौका र दुई छक्का प्रहार गरे । दीपक डुम्रेले ४४ बलमा ६९ रन बनाए । देव र दीपकले तेस्रो विकेटका लागि एक सय ६६ रनको साझेदारी गरेका थिए ।
इरानका लागि आमेर खोर्सन्दले ३७ रन बनाए । उनले २२ बलमा एक चौका र पाँच छक्कासहित ३७ रन बनाएका हुन् ।
