पोखरा १४, असोज
कास्कीमा विगत १८ महिना देखि सम्पर्क विहिन हुनु भएको एक बृद्धको शव भेटिएको छ । कस्कीको माछापुच्छ«्रे गाउँपालिका वडा नं.७ कमेरेपानी स्थित जङ्गलमा सडेगलेको र रुखमा झुण्डिएको अबस्थामा कास्की प्रहरीले एक बृद्धको शव फेला पारेको हो ।
माछापुच्छ«्रे गाउँपालिका वडा नं. ७ घर भई हाल माछापुच्छ«े ८ खोराकोमुख बस्दै आउनु भएका ७० बर्षका बुद्धि बहादुर बि.क. को शव उहाँका छोरा हिटमान बि.क.ले पहिचान गरेको जिल्ला प्रहरी कार्यालय कास्कीका प्रवक्ता डिएसपी श्रवणकुमार विकले बताउनु भयो । उहाँ करिब १८ महिना देखि घर परिवारबाट सम्पर्कमा रहनु भएको थिएन ।
त्यसै गरी अर्काे शव पोखरा १७ का एक किशोरको पोखराको फुस्रेखोलामा अड्किएको अवस्थामा प्रहरीले फेला पारेको छ । पोखराको फुस्रेखोलामा पोखरा १७ बिरौटा हनुमान टोल बस्ने १४ बर्षका क्षितिज बस्यालको शव भेटिएको डिएसपी बि.क.ले बताउनु भयो । बस्यालकी ठूली आमाले उनको शवको पहिचान गर्नु भएको हो । बस्यालका आमा बुवा बिदेश रहेको हुदाँ उहाँ ठुूली आमासंग बस्दै आउनु भएको प्रहरीले जनाएको छ ।
