दीननाथ बराल,
पोखरा ९, पुस
कास्की जिल्ला टेनिस संघको आयोजनामा खेलकुदको शहर पोखरामा यही पुस ११ गते (शुक्रबार) देखि २२ औँ माछापुच्छ्रे« पोखरा ओपन तथा भेट्रान्स टेनिस प्रतियोगिता हुने भएको छ । पोखरा रंगशालामा यही पुस १५ गतेसम्म संचालन हुने प्रतियोगितामा छिमेकी मुलुक भारत, भुटान सहित नेपालका चर्चीत १ सय ६० जना खेलाडीहरु सहभागि हुने भएको बुधबार (आज) पोखरामा आयोजित पत्रकार सम्मेलनमा जानकारी गराइएको हो ।
प्रतियोगितामा पुरुष तथा महिला ओपन सिंगल्स, डबल्स तथा ३५, ४५, ५५ र ६५ वर्ष माथिका विभिन्न उमेर समूह गरी कुल १२ इभेन्टमा प्रतिस्पर्धा हुने भएको कास्की जिल्ला टेनिस संघका अध्यक्ष राजकुमार गुरुङले बताउनु भयो । ओपनतर्फ पुरुष तथा महिला सिंगल्स विजेताले जनही नगद ८० हजार रुपैयाँ र उपविजेताले ४० हजार रुपैयाँ प्राप्त गर्नेछन्। सेमिफाइनलिस्टले नगद २० हजार सहित मेडल पाउने छन्। त्यसैगरी पुरुष तथा महिला डबल्सतर्फ विजेताले ३० हजार, उपविजेताले १५ हजार र सेमिफाइनलिस्टले १० हजार रुपैयाँसहित ट्रफी तथा मेडल प्राप्त गर्ने संघले जनाएको छ । उमेर समूह अनुसारका अन्य इभेन्टहरूमा पनि आकर्षक नगद पुरस्कार, ट्रफी तथा मेडलको व्यवस्था गरिएको छ ।
३५ बर्ष माथि उमेर समुहमा सिंगल तर्फको विजेतालाई ६० हजार, उपविजेतालाई ३० हजार प्रदान गरिने भएको छ । त्यसै गरी यस इभेण्टको डबल्स तर्फ विजेतालाई २० हजार उपविजेतालाई १० हजार प्दान गरिने भएको छ । ४५ बर्ष माथि एकल तर्फको विधामा विजेतालाई ४० हजार, उपविजेतालाई २० हजार प्रदान गरिने भएको छ भने डवल्स तर्फ विजेतालाई २० र उपविजेतालार्य १० हजार पव्दान गनिरे भएको छ । त्यस्तै ५५ बर्ष माथि उमेर समुह सिंगल तर्फ विजेतालार्य ३० हजार उपविजेतालाई १५ हजार, डबल्स तर्फको विजेतालाई भने २० हजार र १० हजार पुरस्कार व्यबस्था गरिएको छ ।६५ बर्ष माथि सिंगल तर्फको विजेतालाई १५ हजार उपविजेतालाई ७ हजार ५ सय, डबल्स तर्फ विजेतालाई १० हजार र उपविजेतालाइ ५ हजार पुरस्कार प्रदान गरिने भएको छ ।
संघका सचिव तथा कार्यक्रम संयोजक विश्वराज पौडेलका अनुसार टेनिस कोर्टमा लाइट जडानका लागि सहयोग संकलन गर्ने उद्देश्यले प्रतियोगिताको अवसरमा गाला डिनर कार्यक्रम समेत आयोजना गरिनेछ । उक्त कार्यक्रमको लागि ५ हजार प्रबेश शुल्क राखिएको छ भने ८० वटा टिकट अग्रिम बुकिङ भएको एक सय जनाको सिट क्षमतामा कार्यक्रम हुने बताइएको छ । उक्त कार्यक्रमबाट बचत रकम लाइड जडानको लागि टोकन मनिको रुपमा हुने पौडेलले जनाउनु भयो । नेपालका नम्बर वान टेनिस खेलाडी प्रदीप खड्काले यस्ता प्रतियोगिता निरन्तर रुपमा हुनु र नगद सहित खेलाडीलाई पुरस्कृत गर्नुले आफुहरुलाई थप हौुला मिल्ने बताउनु भयो । उक्त प्रतियोगिताले खेलकुदसँगै पोखराको पर्यटन प्रवद्र्धनमा महत्वपूर्ण योगदान पु¥याउने नेपाल खेलकुद पत्रकार मञ्च गण्डकीका अध्यक्ष मानबहादुर घर्तीले बताउनु भयो ।
