पोखरा ९, फागुन
नेपालमा लाटोकोसेरो तथा हुचिल, गिद्धको संरक्षण तथा उपचारमा सहयोग गर्दै आउनु भएको पोखराका कृष्णमणि बराल अमेरीकामा हुने अन्तर्राष्ट्रिय लाटोकोसेरो महोत्सवमा सहभागि हुनु हुने भएको छ । अमेरिकामा मार्च १ देखि ३ गतेसम्म हुने उक्त महोत्सवमा पोखराका बराल सहभागी हुनुहुने भएको हो ।
नेपालका लाटोकोसेरो तथा हुचिल सम्बन्धी डकुमेन्ट्री तथा फोटो प्रदर्शन गर्ने गरी गरी आफु छनौटमा परेकोमा उहाँले खुसि व्यक्त गर्नु भयो । नेपालमा संरक्षणका क्षेत्रमा भएका काम र संरक्षणमा चुनौती विषय समेटेर तयार पारिएको १० मिनेटको भिडियो र र फोटो समेत उक्त महोत्सवमा प्रर्दशनी हुने भएको उहाँले जनाउनु भयो । नेपालमा चरा लगायत वन्यजन्तु संरक्षणका लागि पछिल्लो समयमा भएका संरक्षण उत्सव, सचेतना कार्यक्रमले वन्यजन्तु संरक्षण गर्नु पर्छ भन्ने सन्देश गाउँ गाउँ सम्म पुगेको उहाँको बुझाई छ । वन्यजन्तुको चोरी निकासी खुलम खुला हुने क्रम केही रोकिएको पत्रकार समेत रहनु भएको बरालको भनाई छ । सहरमा भालु लिएर हिँडेर पैसा उठाउने क्रम रोकिएको धेरै भएको उहाँले स्मरण गर्नु भयो । चरा बिक्री गर्न हिँड्ने जस्ता काम पनि अहिले निकै कम भएको तथा सर्प टोकरीमा लिएर हिँड्ने र नचाउने क्रम पनि अहिले तोडिएको बरालले जनाउनु भयो ।
यसरी चरा बिक्री गर्नु गैह्कानुनी हो भन्ने सचेतना बढेकै कारण चरा लिएर हिँडेको देखेमा वन कार्यालयलाई खबर गर्ने क्रम सर्वसाधारणले गर्न थाालेको उहाँले बताउनु भयो । घाइते चरा वन्यजन्तुको उद्धार गरेर संरक्षण कर्मी वा वन कार्यालयमा खबर गर्ने क्रम पनि बढेको उहाँले आफ्नो फेसवुक स्टाटसमा समेत उल्लेख गर्नु भएको छ ।
वन्यजन्तुको भित्र भित्र चोरी सिकारी, विदेश निर्यात हुने क्रम अझै पनि धेरै रहेको उहाँले दाबी गर्नु हुन्छ । नेपालमा १३ वर्ष देखि लाटोकोसेरो तथा हुचील संरक्षणका लागि नेपाल लाटोकोसेरो तथा हुचील उत्सव हुँदै आएको छ । ११ औँ संस्करणको लाटोकोसेरो तथा हुचील संरक्षण उत्सवको सन्दर्भ पारेर नेपालमा संरक्षणका क्षेत्रमा भएका काम र संरक्षणमा चुनौती विषय समेटेर तयार पारिएको १० मिनेटको भिडियो र नेपालमा लाटोकोसेरो तथा हुचीलको उद्धार, उपचार र प्रकृतिमा पुर्न फकाउने गरी व्यवस्थापनमा चुनौती समेटेर तीन प्रजातिका लाटोकोसेरो उद्धारका फोटो प्रदर्शनी अमेरिकाको मिनोसोटा प्रदेशको मिनोपोलिस सहरमा गर्ने तयारीमा आफु रहेको उहँले जनाउनु भयो ।
उक्त फोटो प्रदर्शनीमा सहभागी हुनका लागि कार्यक्रम हुने मिनोपोलिस सहर नजिकै रहनु भएका र फुर्सद मिल्ने नेपाली दाजुभाइ, दिदी बहिनीलाई सहभागिताको लागि उहाँले आव्हान समेत गर्नु भएको छ । भिडियो बनाउन विशेष सहयोग गर्नु हुने साथी अशेष शाक्य, राम गुरुङ, दिपेन्द्र पहारी, मधु अधिकारी, प्रकृतिका साथीहरू संस्थाका निर्देशक राजु आचार्य प्रति बरालले आभार व्यक्त गर्दै भोलीका दिनमा पनि सहयोग र साथको अपेक्षा गर्नु भएको छ ।
