सागर सुनार,
पोखरा २९, साउन,
पोखराको वरपिपल रिसोर्टले आफ्नो छैंटौं बार्षिकोत्सवको अवसरमा लमजुङ दोर्दी गाउँपालिकाको लक्ष्मी माविमा बिद्यार्थीहरुलााई खेल पोशाक सहित शैक्षिक सामाग्रि सहयोग हस्तान्तरण गरेको छ । रिसोर्टले आफ्नो सामाजिक उत्तरदाहित्व अन्र्तगत बिद्यालयमा १ सय २० जनालाई ट्याकसुट तथा टिसर्ट साथमा कपी सहयोग गरेको रिसोर्टका आवासिय प्रबन्धक पदम न्यौपानेले बताउनु भयो ।
रिसोर्टले आगामी दिनमा पनि समाजिक कार्य गर्दै जाने योजना रहेको उहाँले जनाउनु भयो । यसैबिच, बिहीबार रिसोर्टको छैटौं वार्षिकोत्सव अवसरमा आयोजित समारोहमा स्थापनाकालदेखि सेवा गर्दै आएका कर्मचारीलाई सम्मान गरेको छ ।
सम्मानित हुनेमा पविनकुमार श्रेष्ठ, सुमन श्रेष्ठ, परशुराम राना, जीना लिम्बु, सचिन गुरुङ, लायक राम राजबंशी, हर्क गुरुङ, गिरिधारी उपाध्याय, चिन्मे विश्वास रहनु भएको छ । यस्तै, साउनका लागि उत्कृष्ट स्टाफ लेखा शाखाका होमनाथ पराजुली सम्मानित भएको रिसोर्टका एचआर प्रमुख बुद्धिबहादुर ठकुरीले जानकारी दिनुभयो । उहाँहरुलाई रिसोर्टका अध्यक्ष अमरजंग (जितु) गुरुङ, रिसोर्टका संचालक शिला गुरुङ, आवासिय प्रबन्धक पदमप्रसाद न्यौपाने लगायतले सम्मान गर्नु भएको हो ।
कोभिड १९ को विसम परिस्थितीमा खुलेको यो रिसोर्टमा हाल ७० जना कर्मचारी कार्यरत् रहेको फन्ट अपिस म्यानेजर कमल पौडेलले बताउनु भयो । सुविधा सम्पन्न रिसोर्टमा हाल ४५ वटा रुम रहेको र अतिथिको स्वागतमा सधैँ तयार रहेको रिसोर्ट संचालक जितु गुरुङले बताउनु भयो । ४५ मध्ये एक्जुकेटिभ स्वीट रुम १, जुनियर स्वीट रुम ३, सुपर डिलक्स ९ र बाँकी डिलक्स रुमहरु रहेको रिसोर्टले जनाएको छ ।
यसैबीच, वार्षिकोत्सवमा कर्मचारीहरुले विभिन्न सांस्कृतिक कार्यक्रम समेत प्रस्तुतः गर्नु भएको थियो । उत्कृष्ट नृत्य प्रर्दशन गर्ने कर्मचारी निशान्त घले पुरस्कृत हुनु भयो । होटलमा हाल ५० प्रतिशत जसो अकुपेन्सि रहेको रिसोर्टले जनाएको छ । आफु कर्मचारीबाट आजको यो अबस्थामा आएको बताउदै जितु गुरुङले निरन्तर एउटै पेशामा लाग्दा एक दिन सफलतामा पुगिने बताउदै कर्मचारीलाई आफुहरुले परिवारको सदस्यको रुपमा लिएको जनाउनु भयो ।
