पोखरा १९, भदौ,
पोखरा १० मा रहेका श्रीकृष्ण मन्दिर संचालक समिति र श्रीकृष्ण मन्दिर आमा समूहको संयुक्त आयोजनामा बुधबार मन्दिर परिसरमा आयोजना भएको निःशुल्क दन्त शिविरबाट ७५ जना लाभान्वित हुनु भएको छ । ’आत्मा साक्षी राखी मन, वचन र कर्मले सेवा गरौं’ भन्ने मुल नारा सहित आयोजना भएको शिविरमा पोखराको गण्डकी मेडिकल कलेजको सहयोग रहेको समितिका अध्यक्ष विश्व तण्डुकारले बताउनु भयो ।
पोखरा–१०, श्रीकृष्ण मन्दिरचोकमा आयोजित शिविरमा बिद्यार्थी देखि ज्येष्ठ नागरिकको समेत सहभागिता रहेको उहाँले जनाउनु भयो । कलेजका डा.कृष्ण सुवेदी,डा.एन्जीला पुन डा.संजीता ढकाल, डा.नमुना घिमिरे, डा.शंकृपा सिंग्देल, डा. शिवु पोखरेलको सहभागिता रहेको थियो ।
कार्यक्रममा समितिका सचिव उत्तम गुरुङ, समुहका उपाध्यक्ष गंगा हिताङ, श्रीकृष्ण मन्दिर ज्येष्ठ नागरिक मिलन केन्द्रका संयोजक सोना गुरुङ लगायतको सहभागिता रहेको थियो ।
